Gujarati News

Gujarati News

News of Tuesday, 4th May 2021

સાંસદ આદર્શ ગામ ભાડથરમાં રૂ. ૧૬ લાખના ખર્ચે ફાળવેલ એમ્બ્યુલન્સનું પ્રસ્થાન ધરાવતા સાંસદ પુનમબેન માડમ

દેવભૂમિ દ્વારકા તા. ૪ : ખંભાળીયા તાલુકાના ભાડથર ગામે સાંસદ આદર્શ ગ્રામ યોજના અન્વયે પ્રાથમિક આરોગ્ય સેન્ટરને રૂ. ૧૬ લાખના ખર્ચે ફાળવેલ એમ્બ્યુલન્સનું સાંસદ પુનમબેન માડમે લીલી ઝંડી આપી પ્રસ્થાન કરાવ્યું હતું.

ભાડથરની સાંસદ આદર્શ ગ્રામ તરીકે પસંદગી થતા બે માસ પુર્વે મળેલ બેઠકમાં ગ્રામલોકોની માંગણીને ધ્યાને લઇ સાંસદ તથા વહિવટીતંત્રએ હકારાત્મક વલણ અપનાવી ભાડથર પી.એચ.સી.ને કોરોના કાળમાં લોકોની આરોગ્ય સેવા મજબુત બને તે હેતુથી એમ્બ્યુલન્સ ફાળવવામાં આવી છે.  આ એમ્બ્યુલન્સનો ભાડથર સહિત આજુબાજુના પાંચ ગામોને લાભ મળશે.

આ તકે સાંસદ પુનમબેન માડમે ગ્રામજનોને સંક્રમિત જણાય તો તુરંત પ્રાથમિક આરોગ્ય કેન્દ્રનો સંપર્ક કરી જરૂરી સારવાર લેવા અપીલ કરી હતી. આ તકે તેમણે ગ્રીન બાયર ફાઉન્ડેશન દિલ્હીનો આભાર વ્યકત કર્યો હતો.

આ પ્રસંગે ભાજપ અગ્રણી વી.ડી. મોરી, આરોગ્ય સમિતિના ચેરમેન નથુભાઇ ચાવડા, ખંભાળીયા તાલુકા પંચાયત પ્રમુખ રામદેભાઇ કરમુર, અગ્રણી હિતેશભાઇ પીંડારીયા, પરબતભાઇ ભાદરકા, ભાડથરના સરપંચ અરજણભાઇ કેસરીયા, જિલ્લા આરોગ્ય અધિકારીશ્રી સુતારીયા, તાલુકા આરોગ્ય અધિકારીશ્રી જેઠવા તેમજ આરોગ્ય કર્મચારીઓ ઉપસ્થિત રહ્યા હતા.

(10:59 am IST)
  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST

  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST

  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST