Gujarati News

જુનાગઢ તા.૪: લોકડાઉનની સ્થિતીમાં જુનાગઢ જિલ્લામાં જાહેરનામાના ભંગ સબબ વધુ ૯૫ શખ્સો સામે પોલિસ ફરિયાદ નોંધવામાં આવી છે.

કોરોનાના સંકટના સામના માટે સમગ્ર દેશમાં લોકડાઉન છે. જે આ  પાલન માટે જુનાગઢ રેન્જના ડીઆઇજી મનીન્દર પ્રતાપસિંઘ પવાર અને એસપી સૌરભસિંઘની સુરક્ષાથી સોરઠમાં પોલીસ સતત ખડેપગે રહીને નજર  રાખી રહી છે.

છેલ્લા ૨૪ કલાક દરમ્યાન જુનાગઢ શહેર - જિલ્લામાં લોકડાઉન ઘર બહાર નીકળેલા ૯૫ શખ્સો સામે અટકાયતની  પગલા લેવામાં આવ્યા છે.

જેમાં જુનાગઢ એ ડીવીઝન હેઠળના વિસ્તારોમાં ૧૩ ઈસમો, બી-૧૮, સી ડીવીઝન - ૧૦, ભવનાથ - બે અને તાલુકા પોલિસે બે શખ્સો સામે લોકડાઉન - જાહેરનામા ભંગની કાર્યવાહી કરવામાં આવી છે.

આ ઉપરાંત માળીયા હાટીના પોલિસે ૧૫, મેંદરડા- બે , કેશોદ -૭, બાંટવા - ૪, માંગરોળ - ૧૦, શીલ - બે, ચોરવાડ-પાંચ, માંગરોળ પોલીસે પાંચ ઈમસો વિરુધ્ધ અટકાયતની પગલા લઇ ધોરણસરની કાર્યવાહી કરી હતી.