Gujarati News

રાજકોટ, તા. ૪ :  રાજકોટ સહિત સૌરાષ્ટ્ર-કચ્છમાં ઉનાળાનો માહોલ ધીમે-ધીમે જામતો જાય છે. ગઇકાલે ૪ શહેરોમાં મહતમ તાપમાનનો પારો ૪૦ ડિગ્રીને પાર થઇ ગયો હતો.

જેમાં રાજકોટ ૪૦.૩, ભૂજ ૪૦.પ, ન્યુ કંડલા ૪૦.૧, અમરેલીમાં ૪૦ ડિગ્રી મહતમ તાપમાન નોંધાયું છે.

સવારના સમયે સૂર્યનારાયણના દર્શન થતાની સાથે જે હુંફાળુ વાતાવરણ છવાઇ જાય છે. અને જેમ -જેમ દિવસ પસાર થાય છે તેમ તેમ ગરમીની અસર વધવા લાગે છે.

બપોરનાં સમયે મહતમ તાપમાનનો પારો ઉંચકાતા લોકો બફારાથી ત્રાહીમામ પોકારી ઉઠે છે.

જામનગર

જામનગર : આજનું હવામાન ૩૮ મહત્તમ, ર૧.પ લઘુતમ, ૭૯ટકા વાતાવરણમાં ભેજનું પ્રમાણ ૬.૯ પ્રતિકલાક પવનની ગતિ રહી હતી.