Gujarati News

Gujarati News

News of Thursday, 4th March 2021

જુનાગઢ જેલમાંથી ત્રણ એન્ડ્રોઇડ સહિત વધુ ૮ મોબાઇલ કબ્જે

અમદાવાદની ઝડતી સ્કવોડની તપાસમાં વધુ પોલ ખુલ્લી

(વિનુ જોશી દ્વારા) જુનાગઢ તા. ૦૪ : જુનાગઢ જિલ્લા જેલમાં ત્રણ એન્ડ્રોઇડ સહિત વધુ ૮ મોબાઇલ ફોન ઝડતી સ્કવોડે કબ્જે કરતા સ્થાનીક જેલ તંત્ર શંકાના પરિધમાં આવી ગયુ છે.

અધિક પોલીસ મહાનિર્દેશક જેલ અને સુધારાત્મક વહીવટ કચેરી અમદાવાદની ઝડતી સ્કવોડનાં જેલર દેવશીભાઇ કરંગીયાએ વગેરે અચાનક જુનાગઢ જિલ્લા જેલમાં ઝડતી માટે ખાબકયા હતા.

બપોરના ૧.રપ કલાકથી ૩.૩પ કલાક દરમિયાન જુનાગઢ જેલમાં ઝડતી કરવામાં આવી હતી. જેમાં જેલના પ્રતિબંધ વિસ્તારમાંથી રૂ.૧પ૦૦ની કિંમતના ત્રણ એન્ડ્રોઇલ મોબાઇલ ફોન ચાલુ હાલતમાં મળી આવ્યા હતા.

તેમજ ચાલુ હાલતમાં કિયેડવાળા રૂ.પ૦૦ની કિંમતનાં પાંચ મોબાઇલ ફોન પણ મળી આવતા ઝડતી સ્કવોડ ચોંકી ઉઠી હતી.

કિપેડવાળા પાંચ મોબાઇલ બે સિમકાર્ડવાળા છતા આમ ઝડતી સ્કવોેડ બે કલાક ૧૦ મીનીટની ઝડતી કાર્યવાહી દરમિયાન આઠ મોબાઇલ ફોન કબ્જે કરી જુનાગઢ એ ડીવીઝન પોલીસ સ્ટેશનમાં અજાણ્યા કેદી વિરૂધ્ધ ગુનો દાખલ કરાવ્યો હતો.

તાજતેરમાં પણ જુનાગઢ જિલ્લા જેલમાં મોબાઇલ ફોન મળી આવેલ આમ વારંવાર જેલમાંથી પ્રતિબંધીત ચીજવસ્તુઓ મળી આવવા પાછળ જેલ તંત્ર પર અનેક પ્રકારની શંકા કુશંકા સેવાઇ રહી છે.

જેલના મુખ્ય દરવાજા પર સઘન ચેકિંગ કરવામાં આવતુ હોય છે.  ત્યારે જુનાગઢ જેલમાં મોબાઇલ વગેરે કેમ પહોંચી જાય છે. તે એક સવાલ છે.

(2:59 pm IST)
  • મોટા ભાગના ખેલાડીઓનો કોરોના ટેસ્ટ પોઝીટીવ આવતા પીએસએલ સીઝન ૬ (પાકિસ્તાન સુપર લીગ) ર૦-ર૦ ક્રિકેટ ટુર્નામેન્ટ મોકૂફ/ રદ કરવામાં આવી છે access_time 3:59 pm IST

  • ઇન્કમટેક્સ અધિકારીઓએ આજે ​​ફિલ્મ નિર્માતા વિક્રમાદિત્ય મોટવાને, કે જે ફેન્ટમ ફિલ્મ્સના સ્થાપક સભ્યોમાં હતા, અને ક્વાન ટેલેન્ટ મેનેજમેન્ટ એજન્સીના વિજય સુબ્રમણ્યમના નિવાસ સ્થળો પર દરોડો પાડ્યો છે : ટેક્સ ચોરીના મામલે ફેન્ટમ ફિલ્મ્સ સાથે સંકળાયેલા લોકો પર IT દ્વારા દરોડા પાડવામાં આવી રહ્યા છે. access_time 5:29 pm IST

  • બંગાળની બેટીએ સ્વીકાર્યો પડકાર , હવે ભાજપનો વારો: તૃણમૂલ કોંગ્રેસના વરિષ્ઠ નેતા અને મમતા સરકારમાં પંચાયત રાજ પ્રધાન સુબ્રતો મુખરજીએ કહ્યું પશ્ચિમ બંગાળના મુખ્ય પ્રધાન, ટીએમસી નેતા મમતા બેનર્જીએ ભાજપના પડકારને સ્વીકારી 11 માર્ચે નંદીગ્રામથી ચૂંટણી લડશે હવે ભાજપનો વારો છે. બરાબર જ્યારે તે મેદાનમાં આવે : મંત્રીએ કહ્યં કે બંગાળમાં ખોટા ખબરો અને ખોટા તથ્યોની રાજનીતિ નહીં ચાલે access_time 12:22 am IST