Gujarati News

Gujarati News

News of Thursday, 4th March 2021

પોરબંદરમાં સ્થાપિત હિતોના વાંકે મુરઝાતો બારમાસી બંદરનો વિકાસ

(હેમેન્દ્રકુમાર પારેખ દ્વારા) પોરબંદર, તા. ૪ :  રાજય સરકાર દ્વારા બજેટમાં સોરઠના પ બંદરોમાં ફિશીંગ બોટ માટે પાર્કિંગ વ્યવસ્થા માટે કુલ ૯૭ કરોડની જોગવાઇ કરી છે.

તેમાં પોરબંદરના બંદરનો પણ સમાવેશ થાય છે. મત્સ્યોદ્યોગમાં મુખ્ય ગણાતા પોરબંદર માટે ખાસ પેકેજની બજેટમાં જાહરેાત કરવામાં આવી નથી પોરબંદર મત્સ્યોદ્યોગ ઉપરાંત વિદેશ સાથે વ્યાપારી કરારથી વર્ષોથી જોડાયેલ છે. પરંતુ કેટલાંક સ્થાપિત હિતોના વાંકે બારમાસી બંદરનો વિકાસ મુરઝાતો જાય છે. એક સમયે પોરબંદર કાંઠે વિદેશી વરાણો માલ લઇને આવતા હતાં આજે બંધ છે. અને પોરબંદરથી જળમાર્ગેથી વહાણમાં નિકાસ પણ બંધ છે. જેના કારણે દેશને કરોડોનું વિદેશી હુંડિયામણ ગુમાવવું પડે છે. એક વખતે પોરબંદરમાં પસેન્જર કમ કાર્ગો સ્ટીમર આવતી હતી જે માટે આફ્રિકા અને આરબ રાષ્ટ્ર સાથે સંકલન હતું. ઉપરાંત આંતરરાજય જળ માર્ગે મહારાષ્ટ્રના મુંબઇથી પોરબંદર- ઓખા- પોરબંદર પેસેન્જર કમ કાર્ગો સેવા અઠવાડિયામાં એક વખત નિયમિત ચાલતી હતી.

પોરબંદરનું બંદર કુદરતી સુવિધા ધરાવે છે. પરંતુ સ્થાપિત હિતોથી વિકાસમાં બ્રેક લાગી જાય છે. સાગરખેડૂ સમાજ રોજગારી માટે મત્સ્યોદ્યોગને મહત્વ આપે છે. પરંતુ પોર્ટના કોમર્શીયલ વિકાસ થાય તે પણ જરૂરી  છે.

(1:43 pm IST)
  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છે : કોંગ્રેસના વરિષ્ઠ નેતા સલમાન ખુર્શીદે જી-23ના નેતાઓને લખ્યો ખીલ્લો પત્ર : પૂછ્યું કે શું તેઓ પક્ષ બદલવાનો વિચાર કરે છે ? : ખુર્શીદે ઉક્ત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 12:36 am IST

  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST

  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST