Gujarati News

Gujarati News

News of Thursday, 4th March 2021

ઘોઘા પોલીસ મથકના પીએસઆઈ પી.આર.સોલંકીને ફરજ મોકૂફ કરાયા

વિધાનસભા સુધી ગાજેલ મામલાનો પડઘો...રેન્જ વડા અશોક કુમાર યાદવના આદેશથી ત્વરિત કાર્યવાહી : ફરજમાં બેદરકારી દાખવવા બદલ ભાવનગર એસપી જયપાલસિંહ રાઠોર દ્વારા આકરું પગલું લેવાયું

 રાજકોટ તા.૪,  ભાવનગર રેન્જ હેઠળના ઘોઘા પોલીસ મથકના પએસઆઈ પી. આર.સોલંકીને તેમના સામે ફરજમાં ગંભીર બેદરકારી તથા એટ્રો સિટી ફરિયાદ સંદર્ભે ફરિયાદી દ્વારા થયેલ ગંભીર પ્રકારના મામલામાં અંતે ફરજ મોકૂફ કરી દેવામાં આવ્યા છે.જે કાર્યવાહી ભાવનગર પોલીસ અધીક્ષક દ્વારા થયેલ છે.   

પોલીસ સૂત્રોના જણાવ્યાનુસાર ગત  તા.૩-૩-૨૦૨૧ના રોજ ઘોઘા પો.સ્ટે. ગુ.ર.નં .૧૧૧૯૮૦૨૦૨૧૦૧૬૦ ઇ.પી.કો. કલમ-૧૬૬, ૫૦૪ તથા એકટ કલમ-૪ (૧) મુજબના ગુન્હાની ફરીયાદ દાખલ કરવામાં આવેલ હતી. જે ફરીયાદમાં ફરીયાદીએ કરેલ આક્ષેપ બાબતે ઘોઘા પો.સ્ટે. ના પોલીસ સબ ઇન્સપેકટર શ્રી પી.આર.સોલંકીનાઓએ તેમની ફરજમાં થાણા અધિકારી તરીકે તેઓ વિરૂધ્ધ થયેલ ગંભીર પ્રકારના આક્ષેપો/ રજુઆત અન્વયે જે તે સમયે ઉંડાણપૂર્વક તપાસ ન કરી/ કરાવી અરજદારની રજુઆત સંદર્ભે જરૂરી કાર્યવાહી સમય મર્યાદામાં નહિ કરી થાણા અધિકારી તરીકેની પોતાની ફરજ પ્રત્યે ગંભીર બેદરકારી અને નિષ્કાળજી દાખવેલ જેથી તેઓને ફરજ પ્રત્યેની નિષ્કાળજી દાખવવા બદલ પોલીસ અધિક્ષકની ભાવનગરનાઓ દ્વારા શ્રી પી.આર. સોલંકીને તાત્કાલીક અસરથી ફરજ મોકુફ (suspend)કરી તેઓ વિરૂધ્ધ કડક કાર્યવાહી હાથ ધરવામાં આવેલ છે.

(11:38 am IST)
  • આંતરરાષ્ટીય મહિલા દિવસ પર રિલીઝ થશે ડોક્યુમેન્ટરી ફિલ્મ ' વુમેન ઓફ ઓનર " : નેશનલ જિયોગ્રાફિક ચેનલ પર રાત્રે 9 વાગ્યે 'વિમેન ઓફ ઓનર - ડેસ્ટિનેશન આર્મી' ડોક્યુમેન્ટરી ફિલ્મનું પ્રસારણ કરાશે : ફિલ્મ હોટસ્ટાર અને ડિઝની પર પણ જોવા મળશે :આ ફિલ્મ દિલ્હી કેન્ટના એનસીસી ઓડિટોરિયમમાં પ્રેસ અને સેનાના અધિકારીઓની સામે રજૂ કરાઈ હતી જેને ખુબ પસંદ કરવામાં આવી હતી access_time 12:20 am IST

  • મેરીકોમ ચેમ્પિયન્સ અને વેટરન્સ સમિતિના અધ્યક્ષ : વિખ્યાત બોકસર અને છ વખતની વિશ્વ ચેમ્પિયન મેરીકોમને આંતરરાષ્ટ્રીય બોકિસંગ એસોસિએશન- એઆઈબીએ એ 'ચેમ્પિયન્સ અને વેટરન્સ' સમિતિના અધ્યક્ષ તરીકેની પસંદગી કરી છેઃ એ.આઈ.બી.એ.બોર્ડ ઓફ ડિરેકટરના મતદાનમાં મેરીકોમના નામ પર સહમતી થઈ હતી access_time 4:00 pm IST

  • વડોદરાનાં પાદરામાં આવેલી SBI ની એક બ્રાન્ચમાં મેનેજર સહિત એક સાથે 13 કર્મચારી કોરોના સંક્રમિત મળી આવ્યા છે : આટલી મોટી સંખ્યામાં કર્મચારીઓ કોરોના સંક્રમિત મળી આવતા SBI બ્રાન્ચ બંધ કરાઈ access_time 4:58 pm IST