Gujarati News

Gujarati News

News of Thursday, 4th March 2021

જૂનાગઢની નોબલ એમબીએ કોલેજના પ્રોફેસર અને વિદ્યાર્થીએ રાષ્‍ટ્રીય કક્ષાની રિસર્ચ કોન્‍ફરન્‍સમાં મેળવ્‍યું દ્વિતીય સ્‍થાન

(વિનુ જોષી દ્વારા) જૂનાગઢ,તા. ૪: તા. ૨/૩/૨૦૨૧ જૂનાગઢના ભેસાણ રોડ પર સ્‍થિત નોબલ ગ્રુપ ઓફ ઇન્‍સ્‍ટિટયુશન્‍સના એમબીએ ડિપાર્ટમેન્‍ટના પ્રોફેસર નિશિત સાગોટીયા અને એમબીએ સેમેન્‍ટર ૧માં અભ્‍યાસ કરતા વિદ્યાર્થી ભાવિક રાઠોડએ ૨૨ ફેબ્રુઆરી ૨૦૨૧ના રોજ શ્રી વૈષ્‍ણવ ઇન્‍ટિટયુટ ઓફ મેનેજમેન્‍ટ ઇન્‍દોર આયોજિત નેશનલ લેવલની રિસર્ચ કોન્‍ફરન્‍સમાં પોતાનું રિસર્ચ પેપરની રજુઆત કરીને દ્વિતીય સ્‍થાન મેળવ્‍યું છે.

આ રિસર્ચ કોન્‍ફરન્‍સમાં તમામ રાજ્‍યોની કોલેજોમાંથી ૮૦ જેટલા પ્રતિસ્‍પર્ધીઓએ ભાગ લીધો હતો. જેમાં નોબલ ગ્રુપ ઓફ ઇન્‍સ્‍ટિટયુશન્‍સની પ્રોફેસર અને વિદ્યાર્થીએ ‘નેશનલ એજ્‍યુકેશન પોલીસ ૨૦૨૦ના અમલીકરણ' વિષય પર રિસર્ચ પેપર રજુ કર્યું હતું અને આ રિસર્ચ પેપર યુનિવર્સિટી ગ્રાન્‍ટ કમિશન (યુજીસી)ની જર્નલમાં પણ પ્રકાશિત કરવામાં આવશે. પ્રોફેસર દ્વારા વિદ્યાર્થીમાં સંશોધન અને વિકાસની સ્‍કિલ વિકસાવવા આ અનોખો પ્રયાસને સંસ્‍થાના ટ્રસ્‍ટી મંડળે બિરદાવ્‍યું છે.

(10:45 am IST)
  • પાકિસ્તાનના સેનેટ ચૂંટણીમાં ખૈબર પખ્તુનખ્વાહમાં પહેલા પાઘડીવાળા શીખ પ્રતિનિધિ બન્યા ગુરદીપ :સંસદના ઉપલાગૃહ માટે થયેલી ચૂંટણીમાં અલ્પસંખ્યક સીટ પર મોટા માર્જીનથી તેના હરીફ ઉમેદવારને હરાવ્યા : ગુરદીપસિંહને સદનમાં 145માંથી 103 મત મળ્યા જયારે જમિયત ઉલેમા -એ -ઇસ્લામના ઉમેદવાર રણજિતસિંહને માત્ર 25મત મળ્યા access_time 12:49 am IST

  • બંગાળની બેટીએ સ્વીકાર્યો પડકાર , હવે ભાજપનો વારો: તૃણમૂલ કોંગ્રેસના વરિષ્ઠ નેતા અને મમતા સરકારમાં પંચાયત રાજ પ્રધાન સુબ્રતો મુખરજીએ કહ્યું પશ્ચિમ બંગાળના મુખ્ય પ્રધાન, ટીએમસી નેતા મમતા બેનર્જીએ ભાજપના પડકારને સ્વીકારી 11 માર્ચે નંદીગ્રામથી ચૂંટણી લડશે હવે ભાજપનો વારો છે. બરાબર જ્યારે તે મેદાનમાં આવે : મંત્રીએ કહ્યં કે બંગાળમાં ખોટા ખબરો અને ખોટા તથ્યોની રાજનીતિ નહીં ચાલે access_time 12:22 am IST

  • ઇરાકમાં વાયુસેનાના મથક પર રોકેટ હુમલામાં એક અમેરિકી કોન્ટ્રાક્ટરનું મોત : પેન્ટાગોને કહ્યું વાયુસેનાના મથક પર 10 રોકેટ છોડ્યા હતા :જાય અમેરિકી અને અન્ય ગઠબંધન સેનાના સૈનિકો તૈનાત હતા :ઠેકેદારને હુમલાથી બચવા દરમિયાન હૃદયરોગનો હુમલો આવ્યો હતો અને થોડીવારમાં તેનું મોત નીપજ્યું હતું access_time 12:41 am IST