Gujarati News

Gujarati News

News of Thursday, 4th March 2021

કચ્છમાં ભૂકંપના ૩ આંચકાઃ મોરબીમાં પણ ધરા ધ્રુજી

વહેલી સવારે ૩.૯ની તિવ્રતાના ધરતીકંપથી લોકોમાં ફફડાટઃ લાં...બા સમય પછી સૌરાષ્ટ્ર-કચ્છમાં આંચકાથી લોકોમાં ચિંતા

રાજકોટ, તા. ૪ : ઘણા લાંબા સમય પછી કચ્છ અને સૌરાષ્ટ્રમાં ભૂકંપના આંચકા આવતા લોકોમાં ફફડાટ ફેલાયો છે.

ગાંધીનગર સ્થિત સિસ્મોગ્રાફી સેન્ટરના અહેવાલમાં જણાવાયુ છે કે ગઈકાલે બુધવારે બપોરે ૪.૧૩ વાગ્યે મોરબીથી દક્ષિણ દિશા તરફ ૨.૧ની તિવ્રતાનો ભૂકંપનો આંચકો અનુભવાયો હતો. જા કે તિવ્રતા ઓછી હોવાથી લોકોને ખાસ અનુભવ થયો ન હતો, પરંતુ લાંબા સમય પછી ભૂકંપ આવતા લોકોમાં ભારે ચર્ચા જાગી છે.

આ ભૂકંપ બાદ કચ્છના ખાવડાથી ૨૩ કિ.મી. દૂર પૂર્વ દિશા તરફ ગઈકાલે રાત્રીના ૯.૦૮ વાગ્યે ૧.૪ની તિવ્રતાનો આંચકો અનુભવાયો હતો. ત્યાર બાદ રાત્રીના ૧૧.૨૮ વાગ્યે દુધઈમાં ભૂકંપનો આંચકો આવ્યો હતો. જેનુ કેન્દ્ર બિન્દુ દુધઈથી ૨૮ કિ.મી. દૂર દક્ષિણ દિશા તરફ હતું. જેની તિવ્રતા ૧.૧ હતી.

આ ભૂકંપ બાદ આજે ગુરૂવારે વહેલી સવારે ૩.૨૯ વાગ્યે કચ્છના રાપરથી ૧૪ કિ.મી. દૂર પૂર્વ દિશા તરફ ૩.૯ની તિવ્રતાનો આંચકો અનુભવાયો હતો. આ આંચકાથી લોકોમાં ફફડાટ ફેલાયો છે.

(11:32 am IST)
  • કેજરીવાલે તેમના માતા - પિતા સાથે કોરોનાની વેક્સીન લીધી : દિલ્હીના મુખ્યમંત્રી અરવિંદ કેજરીવાલે તેમના માતા-પિતા સાથે ઍલ.ઍન.જે.પી. હોસ્પિટલ ખાતે કોવિડ-૧૯ વેક્સીનનો પ્રથમ ડોઝ આજે લીધો હતો. તે પ્રસંગની તસ્વીર. access_time 11:23 am IST

  • સ્વિસ બેડમિંગટન ઓપનમાં પીવી સિંધુની શાનદાર શરૂઆત : પ્રિ-ક્વાર્ટર ફાઇનલમાં પહોંચી : પીવી સિંધુએ તુર્કીની ખેલાડીને 42મિનિટની રમતમાં 21-16, 21-19થી હરાવી પ્રથમ દૌરનો મુકાબલો જીત્યો access_time 12:30 am IST

  • કેનેડાને મળી મેડ ઇન ઇન્ડિયા કોરોના રસી:વિદેશ પ્રધાને ટ્વિટ કર્યું: ભારતે કોવિડ -19 સામેની લડતમાં સહયોગ આપતા ભારત દ્વારા નિર્મિત કોરોના રસી કેનેડા અને લેસોથોને મોકલી : વિદેશ પ્રધાન એસ જયશંકરે ટ્વિટ કર્યું હતું કે, 'ભારત-નિર્મિત રસી કેનેડામાં પહોંચી છે.' અન્ય એક ટ્વિટમાં વિદેશ પ્રધાને કહ્યું કે લેસોથોને પણ ભારત દ્વારા બનાવવામાં આવેલી રસી મળી access_time 12:21 am IST