Gujarati News

તસ્વીરમાં મૃતક તથા અકસ્માતગ્રસ્ત એસ.ટી. બસ નજરે પડે છે. (તસ્વીરઃ નિમેષ ચોટાઇ ઉપલેટા)

 ઉપલેટા તા. ૪ : એસ.ટી.બસ રોડ નીચે ઉતરી જતા એક વ્યકિતનું મોત થયુ હતું. જયારે ૬ વ્યકિતને ઇજા થઇ છે. પ્રાપ્ત મહિતી મુજબ આજે બપોરે ઉપલેટાથી ૩ કિ.મી. દુર પાટણવાવ રોડ ઉપર એસ.ટી. બસ રોડ નિચે ઉતરી જતા કાનજીભાઇ ગાંડાભાઇ છૈયા (ભીંડોરા) નં મોત થયુ હતું.જયારે ૧૦ મુસાફરોને ઇજાગ્રસ્ત હાલતમાં સારવાર માટે ઉપલેટાની સરકારી હોસ્પિટલમાં ખસેડેલ છે.

આ અકસ્માતમાં ભાવિન ધુસાભાઇ લોકીલ, પ્રહલાક ચુડાસમાં, ધવલ કિશોરભાઇ ભટ્ટ, શાંતાબેન દેવશીભાઇ ડઢાણીયા, મહિપાલસિંહ ચુડાસમા, રાયદેબેન રૂડાભાઇ છૈયા વિશાલ ઘુઘાભાઇ નીતાબેન ધુસાભાઇ લોખીલ, ધીરૂભાઇ માવજીભાઇ અને જીવન સુખરામભાઇને ઇજા થઇ હતી.

આ અકસ્માતમાં કંડકટરને પણ ગંભીર ઇજા થતા પ્રથમ ઉપલેટા ત્યારબાદ વધુ સારવાર માટે રાજકોટ હોસ્પિટલમાં ખસેડેલ છે. ઉપલેટા તાલુકા પોલીસે આ બનાવ અંગે વધુ તપાસ હાથ ધરી છે.