Gujarati News

રાજકોટ, તા. ૪ : ગઢડા ગામમાં નાનાભાઇ સાથે મજાક-મસ્તી કરતી વખતે માઠુ લાગી આવતા ઝેરી દવા પી લેનાર ભીલ યુવતિનું મોત નિપજતા અરેરાટી વ્યાપી ગઇ છે.

મળતી વિગત મુજબ ગઢડા ગામમાં રહેતી સુનિતા ગણપતભાઇ વસનીયા (ઉ.વ.૧૮) એ ગત તા. ૧૯-૧ર-ના રોજ પોતાના ઘરે ઝેરી દવા પી લેતા તેને સારવાર માટે સીવિલ હોસ્પિટલમાં ખસેડાઇ હતી ત્યાં ગઇકાલે સારવાર દરમ્યાન મોત નિપજયું હતું. મૃતક સુનિતા ત્રણ ભાઇ ત્રણ બહેનમાં ત્રીજા નંબરની હતી. નાના ભાઇ સાથે મજાક-મસ્તી કરતી વખતે માઠુ લાગી આવતા તેણે આ પગલુ ભર્યું હોવાનું પોલીસની તપાસમાં ખૂલ્યું છે. આ અંગે આજીડેમ પોલીસ મથકના એએસઆઇ વિનોદભાઇ તથા રાઇટર કિરીટભાઇ રામાવતે તપાસ હાથ ધરી છે.