Gujarati News

Gujarati News

News of Thursday, 4th January 2018

સુરેન્દ્રનગરના કોરડા ગામમાં મારામારીના ગુન્હામાં ફરાર ભરત કોળી ઝડપાયો

વઢવાણ તા. ૪ : તાજેતરમાં સુરેન્દ્રનગર જિલ્લાના પોલીસ વડા દિપક કુમાર મેઘાણી દ્વારા જિલ્લાની પોલીસને સતર્ક કરી, ભૂતકાળના કેસોમાં વોન્ટેડ નાસતા ફરતા આરોપીઓને પકડી પાડવા માટે ખાસ ઝૂંબેશ હાથ ધરવામાં આવેલ છે. જે અનુસંધાને સુરેન્દ્રનગર જિલ્લાના પોલીસ અધિકારીઓને અગાઉ દાખલ થયેલા ગુન્હાઓમાં નાસતા ફરતા વોન્ટેડ આરોપીને પકડી પાડવા માટે સૂચનાઓ કરવામાં આવેલ છે.

સુરેન્દ્રનગર જિલ્લાના ચુડા તાલુકાના કોરડા ગામ ખાતે તા. ૧૫.૦૧.૨૦૧૭ ના રોજ થયેલ મારામારીના ગુન્હાનો આરોપી ભરતભાઇ ભુપતભાઇ રોજાસરા કોળી ગુન્હો કર્યા બાદ નાસતો ફરતો હતા અને આ આરોપીની અવારનવાર તપાસ કરવા છતાં મળી આવતો ના હતો અને પોતાની ધરપકડ ટાળવા નાસતો ફરતો હતો.

હાલમાં વોન્ટેડ આરોપીઓને પકડવાની ઝૂબેશના ભાગરૂપે લીંબડી ડીવાયએસપી પ્રદીપસિંહ જાડેજાના માર્ગદર્શન હેઠળ ચુડા પી.એસ.આઈ. દશરથસિંહ ઝાલા તથા સ્ટાફના હે.કો. જશુભાઈ, વખતસિંહ, રાજેશભાઈ, સહિતની ટીમ દ્વારા મળેલ ચોક્કસ બાતમી આધારે આરોપીને કોરડા ગામે અચાનક છાપો મારતા, આરોપી ભરતભાઇ ભુપતભાઇ રોજાસરા કોળી ઉવ. ૩૬ રહે. કોરડા તા.ચુડા જી. સુરેન્દ્રનગર ને પકડી પાડી, ધરપકડ કરવામાં આવેલ છે.

પકડાયેલ આરોપી ભરતભાઇ ભુપતભાઇ રોજાસરા કોળી સાતેક માસ પહેલા મુળી પોલીસ સ્ટેશન વિસ્તારમાં પવનચક્કી બાબતે થયેલ ફાયરિંગ અને ખૂનના ગુન્હામાં પણ વોન્ટેડ નાસતો ફરતો છે. જેથી મૂળી પોલીસને જાણ કરવામાં આવતા, મુળી પોલીસ દ્વારા પણ આરોપીનો કબ્જો મેળવવા તજવીજ હાથ ધરવામાં આવેલ છે.

આમ, ચુડા પોલીસ દ્વારા છેલ્લા એક વર્ષ જેટલા સમયથી ચુડા પોલીસ સ્ટેશનના મારામારીના ગુન્હામાં અને મુળી પોલીસ સ્ટેશનના ખૂનના ગુન્હામાં નાસતા ફરતા આરોપીની ધરપકડ કરેલ છે.

(12:34 pm IST)
  • વિધાનસભાના વિરોધપક્ષના નેતા તરીકે અમરેલીના યુવા ધારાસભ્ય પરેશ ધાનાણી લગભગ નક્કીઃ કોંગ્રેસના વિજેતા ધારાસભ્યો દ્વારા પરેશ ધાનાણીની પસંદગી? access_time 5:29 pm IST

  • મુંબઈ પોલીસે જીગ્નેશ મેવાણી અને JNUના ઉમર ખાલીદના કાર્યક્રમને મંજુરી ન આપી. access_time 10:57 am IST

  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST