Gujarati News

Gujarati News

News of Thursday, 4th January 2018

જૂનાગઢમાં ચૂસ્ત બંદોબસ્ત વચ્ચે અમૂક વિસ્તારો ટપોટપ બંધ થયા

મહારાષ્ટ્રમાં દલિતો ઉપરના અત્યાચારના વિરોધમાં ગુજરાત દલિત સંગઠન દ્વારા ઉગ્રરોષ : કોઇ આગેવાનો-કાર્યકરો બંધ કરાવવા નીકળ્યા ન હતા

જુનાગઢ તા.૪: જુનાગઢ બંધના આજના એલાનને મિશ્ર પ્રતિસાદ સાપડ્યો છે બંધ દરમિયાન કાયદો વ્યવસ્થા જળવાય રહે તે માટે ચુસ્ત પોલીસ બંદોબસ્ત ગોઠવી દેવામાં આવ્યો છે.

મહારાષ્ટ્રના ભીમા કોરેગાવ શહેરમાં દલિતો દ્વારા શૌર્ય (વિજય)દિવસની ઉજવણી દરમ્યાન દલિતો પર અસામાજિક તત્વોએ અત્યાચાર કરેલ.જેના એક દલિત યુવાનનું  મૃત્યુ નિપજ્યુ હતુ જેમાં વિરોધમાં ગુજરાત દલિત સંગઠન દ્વારા આજે ગુજરાત બંધનું એલાન આપવામાં આવ્યુ છે.

સૌરાષ્ટ્ર દલિત સંગઠને બંધના એલાનને સમર્થન જાહેર કરેલ છે તે મુજબ આજે જુનાગઢમાં બંધને મિશ્ર પ્રતિસાદ મળેલ છે શહેરના કાળવા ચોક, સરદાર ચોકમાં બંધની અસર જોવા મળી છે જયારે  સવારે ૧૧ વાગે અન્ય વિસ્તારોમાં બજારોમાં બંધની નહિવત અસર હોવાનું જાણવા મળે છે.

એસ.પી.નિલેશ જાજડીયાની સુચનાથી શહેરમાં ચુસ્ત પોલીસ બંદોબસ્ત ગોઠવવામાં આવેલ છે.

જુનાગઢના અમુક વિસ્તારોમાં દુકાનો ટપોટપ બંધ થઇ ગઇ હતી. જો કે કોઇ આગેવાનો કાર્યકરો દુકાનો બંધ કરાવવા નીકળ્યા ન હતા.

જામનગર, અમરેલી, સુરેન્દ્રનગર સહિત સૌરાષ્ટ્ર-કચ્છમાં બંધની કોઇ અસર નથી અને બજારો ધમધમે છે.

(12:32 pm IST)
  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST

  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • ગાણત્રીના કલાકોમાં પાકિસ્તાન વિરુદ્ધ કઠોર કાર્યવાહી કરશે અમેરિકા : જેરૂસલમ મામલે સંયુકત રાષ્ટ્રમાં સાથ નહીં આપનાર દેશો સામે પણ અમેરિકા કરશે લાલઆંખ access_time 11:24 am IST