Gujarati News

Gujarati News

News of Thursday, 4th January 2018

માળીયા મિંયાણાના ભાવપરના મનહરભાઇએ વ્યાજખોરના ત્રાસથી આપઘાત કર્યો'તો

ર લાખના ૪ર લાખ પડાવી લઇ વ્યાજખોર મહેશ ડાવરાએ ખેતર લખાવી લીધું'તું: પુત્રએ પોલીસમાં ફરીયાદ કરી

મોરબી, તા., ૪: માળીયા મિંયાણાના ભાવપર ગામે આઘેડને આપઘાત માટે મજબુર કરનાર વ્યાજખોર સામે પોલીસમાં ફરીયાદ થઇ છે.

મળતી વિગતો મુજબ માળીયાના ભાવપર ગામે રહેતા શૈલેશ મનહરભાઇ ફુલતરીયાના પિતાએ ફડસર ગામે રહેતા મહેશભાઇ નારણભાઇ ડાવેરા પાસેથી ર લાખ રૂપીયા વ્યાજે લીધા હોય અને જેની પઠાણી ઉઘરાણી કરી મહેશભાઇએ મનહરભાઇ પાસેથી ઉઘરાણી પેટે ૪ર લાખ પડાવી લઇ તથા તેનું ખેતર પણ લખાવી લેતા મનહરભાઇએ વ્યાજખોરના ત્રાસથી ગઇકાલે વવાણીયા ગામ નજીક ખેતરમાં ગળેફાંસો ખાઇ આપઘાત કરી જીવન ટુંકાવ્યું હતું.

આ મામલે મનહરભાઇના પુત્ર શૈલેશએ માળીયા પોલીસ મથકમાં મહેશ ડાવેરા વિરૂધ્ધ પિતાને આપઘાત માટે મજબુર કર્યાની ફરીયાદ નોંધાવતા માળીયા મિંયાણા પોલીસે આઇપીસી ૩૦૬ મુજબ ગુન્હો દાખલ કરી તપાસ હાથ ધરી છે.

(11:27 am IST)
  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST

  • મહારાષ્ટ્રમાં તોફાનોની અસર શાંત થતા ડાંગ એસટી તંત્ર દ્વારા એસટી બસની સુવિધા પુર્વવતઃ સાપુતારાથી નાસીક-શિરડી જતી બસોને લીલીઝંડી access_time 5:29 pm IST