Gujarati News

Gujarati News

News of Thursday, 4th January 2018

મોરબીમાં આયોજીત ભાગવત સપ્તાહમાં રૂ. ૩૫ લાખનું અનુદાન મળ્યું

ડાયાલીસીસના દર્દીઓના લાભાર્થે

મોરબી તા. ૪ : મોરબીમાં સેવાભાવી અને સામાજિક સંસ્થાઓના સંયુકત ઉપક્રમે કીડની ડાયાલીસીસ સેન્ટરના લાભાર્થે ભાગવત સપ્તાહનું આયોજન કરવામાં આવ્યું હતું જે સપ્તાહ સફળતાથી પૂર્ણ થઇ છે અને મોરબીમાં દાનની સરવાણી વહેતા ૩૫ લાખની રકમ એકત્ર કરવામાં આવી છે.

સત્કાર્ય સેવા સમિતિ મોરબી, લાયન્સ કલબ ઓફ મોરબી, માતૃભુમી વંદના ટ્રસ્ટ અને બજરંગ ધૂન મંડળ સહિતની સંસ્થાઓ દ્વારા મોરબીમાં કીડની ડાયાલીસીસ સેન્ટરના લાભાર્થે શનાળા રોડ ખાતે શ્રીમદ ભાગવત સપ્તાહનું આયોજન કરવામાં આવ્યું હતું. ગત તા. ૨૭ થી ૦૨ દરમિયાન યોજાયેલી ભાગવત સપ્તાહમાં શાસ્ત્રી નીખીલ જોષીએ કથાનું રસપાન કરાવ્યું હતું તેમજ સપ્તાહ દરમિયાન વિવિધ ધાર્મિક મહોત્સવની ઉજવણી કરવામાં આવી હતી.

મોરબીના દર્દીઓને કીડની ડાયાલીસીસ સેવાઓનો લાભ મળી રહે તેવા શુભ આશયથી ડાયાલીસીસ સેન્ટરના લાભાર્થે યોજાયેલી ભાગવત સપ્તાહમાં ધર્મપ્રેમી જનતાએ પણ ઉદાર હાથે દાન કરીને કાર્યને સફળ બનાવ્યું હતું. મોરબીમાં પાંચ મશીન સાથે ડાયાલીસીસ સેન્ટર શરુ કરવાના ઉદેશ્ય સાથે યોજાયેલી સપ્તાહમાં ૩૫ લાખની રકમ એકત્ર કરવામાં આવી હતી જે ડાયાલીસીસ સેન્ટરના લાભાર્થે વાપરવામાં આવશે. ધાર્મિક મહોત્સવને સફળ બનાવવા લાયન્સ ગવર્નર ચંદ્રકાંતભાઈ દફતરી સહિતના અગ્રણીઓએ જહેમત ઉઠાવી હતી.

(11:23 am IST)
  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST