Gujarati News

Gujarati News

News of Thursday, 4th January 2018

કોટડાપીઠા પીજીવીસીએલ ફોલ્ટ સેન્ટર ફરી શરૂ કરવા માંગણી

કોટડાપીઠા, તા. ૪ :. બાબરા તાલુકાના કોટડાપીઠા ગામે/ ખાતે અગાઉ જૂની માંગણી મુજબ આંદોલન દરમ્યાન ઉચ્ચ અધિકારી દ્વારા કોટડાપીઠા મુકામે સબ ડિવીઝન શરૂ કરવાની ખાતરી મળેલ પણ જે તે સમયે સબ ડિવીઝન કાર્યરત ન થયુ પરંતુ કોટડાપીઠા મુકામે ૧૨ ગામો વચ્ચે ફોલ્ટ સેન્ટર શરૂ કરવામાં આવ્યું.

ફોલ્ટ સેન્ટર માટે એક વાહન અને ૧૧ કર્મચારીઓનો સ્ટાફ પણ મુકવામાં - નિમવામાં આવ્યો, પરંતુ ધીરે ધીરે કર્મચારીઓ ઓછા કરાતા ગયા અને દિવાળી પછી કર્મચારીઓ અને વાહન પણ અહીંથી બંધ કરી ૧૭ કિ.મી. દૂર બાબરા ખાતે ખસેડી લીધેલ છે. પહેલા અહીં બધી જ સુવિધા ફોલ્ટ નોંધાવી શકતા હતા. તુરંત જ પ્રશ્ન હલ થઈ જતો હવે બાબરા ખાતે ફોલ્ટ નોંધાવી બીજે દિવસે પ્રશ્ન હાલ થાય છે.

કોટડાપીઠા વિસ્તારના ૧૨ ગામો તેમજ ઔદ્યોગીક જેવા કે સ્ટોન ક્રસર (ભરડીયા), જીનીંગ ઉદ્યોગ, પાણી-પુરવઠા તેમજ ખેતીવાડી વગેરેમાં ફોલ્ટ બાબતે મુશ્કેલ પડે છે તો તાત્કાલીક ધોરણે પુનઃ ફોલ્ટ સેન્ટર તથા વાહન આપવા આ વિસ્તારના જીલ્લા પંચાયત સભ્ય શ્રીમતી મીનાબેન કોઠીવાળે કાર્યપાલક ઈજનેર, પીજીવીસીએલ - અમરેલી તથા ધારાસભ્ય વિરજીભાઈ ઠુંમરને રજુઆત કરેલ છે.

(11:22 am IST)
  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST

  • ગાઢ ધુમ્મ્સને કારણે પંજાબની તમામ સ્કૂલોના સમયમાં ફેરફારઃ સવારે ૧૦ વાગ્યે સ્કૂલ ખુલશે access_time 11:24 am IST

  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST