Gujarati News

Gujarati News

News of Thursday, 4th January 2018

શાપર-વેરાવળમાં વાહન હડફેટે માણાવદરના કિશન અઘેરાનું મોત

અકસ્માત બાદ પોલીસે વાહન ચાલકનો પીછો કરી ઝડપી લીધો

રાજકોટ તા. ૪ : શાપર - વેરાવળ પાસે અકસ્માતમાં માણાવદરના યુવાનનું મોત નિપજ્યું હતું.

પ્રાપ્ત વિગતો મુજબ શાપર-વેરાવળમાં કલ્પવનના ગેઇટ પાસે સર્વિસ રોડ પર ઉભા રહેલ કિશનભાઇ વિઠ્ઠલભાઇ અઘેરા (ઉ.વ.૩૦)ને ટાટા કંપનીના ફોર વ્હીલ વાહનનો ચાલકે હડફેટે લેતા કિશનભાઇને ગંભીર ઇજા થતા તેનું મોત નિપજ્યું હતું. બનાવ બાદ વાહન ચાલક નાસી છુટયો હતો. જોકે બાદમાં શાપર - વેરાવળ પોલીસે વાહન ચાલકનો પીછો કરી ઝડપી લીધો હતો. બનાવની જાણ થતાં શાપર-વેરાવળનો પોલીસ કાફલો ઘટના સ્થળે દોડી ગયો હતો અને મૃતકની લાશને પી.એમ. માટે હોસ્પિટલમાં ખસેડેલ હતી. બનાવ અંગે કેતન બાબુભાઇ વાછાણી રે. વાડાસડા, તા. માણાવદરને વાહનચાલક સામે ફરીયાદ નોંધાવતા પોલીસે ગુન્હો દાખલ કરી તપાસ હાથ ધરી છે. મૃતક યુવાન કલ્પવન સોસાયટીની ઓફિસમાં કામ કરતો હતો.

(11:16 am IST)
  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST

  • લખતર-અમદાવાદ હાઇવે પર વિઠલાપરા ગામ પાસે સુરેન્દ્રનગર તરફથી આવી રહેલ ટ્રક નં. આરજે રર જીએ ૦૭૭૧ની સાઇડ કાપીને આગળ જવા નિકળવાનો પ્રયાસ કરી રહેલ બાઇક ચાલક લીંબડી તાલુકાના જાળીયાણ ગામના વાલજીભાઇ અરજણભાઇ કોળી સામેથી વાહન આવતા બાઇક ઉપરથી પડી જવાથી ટ્રકના વ્હીલ નીચે આવી જતા મોત નિપજયું છે access_time 5:28 pm IST

  • ગાઢ ધુમ્મ્સને કારણે પંજાબની તમામ સ્કૂલોના સમયમાં ફેરફારઃ સવારે ૧૦ વાગ્યે સ્કૂલ ખુલશે access_time 11:24 am IST