Gujarati News

(પ્રવિણ વ્‍યાસ દ્વારા) મોરબી તા. ૩ : માળીયા મિંયાણા તાલુકાના જુમાવાડી વિસ્‍તારમાં રાત્રીના સમયે ખુલ્લી કારમાં સરાજાહેરﾠ ફાયરિંગ કરાયાની ઘટના સામે આવી છે. આ ઘટનાને પગલે સ્‍થાનિકોમાં ભયનો માહોલ છવાયો છે.

એક વિડીયો સોસીયલ મીડિયામાં વાઈરલ થયો છે જેમાં માળીયા તાલુકાના જુમાવાડી વિસ્‍તારના સ્‍થાનિકોના જણાવ્‍યા અનુસારﾠ સાંજના સાત વાગ્‍યાની આસપાસ લાલ રંગની કારમાં આવેલા આવારા તત્ત્વોએ સરાજાહેર ત્રણ ફાયરિંગ કર્યા હતા અનેﾠ‘અમે ગુંડા છીએ'ﾠએવા શબ્‍દોનું પણ ઉચ્‍ચારણ કર્યું હતું. જયાં પ્રથમ તેમણે દુકાન તરફ ફાયરિંગ કર્યું હતું. વધુ એક ﾠગોળીબાર હવામાં થયો હતો અને અન્‍ય ગોળીબાર ફાટક તરફ થયો હતો. ખુલ્લેઆમ પિસ્‍તોલ વડે ફાયરિંગ કર્યા બાદ આ શખ્‍સો નાસી ગયા હતા. સ્‍થાનિકોનો એવો આક્ષેપ છે કે તેમણે સમગ્ર મામલે માળિયા પોલીસને જણાવ્‍યું હતું અને પોલીસ કર્મીઓ માત્ર ૧૦ મીનીટ જ આવ્‍યા હતા અને તેમણે કહેવા ખાતર જ તપાસ કરી હતી આ ઉપરાંત સ્‍થાનિકોએ જણાવ્‍યું છે કે અંધારાના કારણે તેઓ જાણી શક્‍યા નથી કે કુલ કેટલા શખ્‍સો દ્વારા ફાયરિંગ કરવામાં આવ્‍યું છે અને તેનો ચહેરો પણ સ્‍થાનિકો ઓળખવામાં અસમર્થ છે.ﾠ

જો કે સમગ્ર મામલેﾠ માળીયા પોલીસનો સંપર્ક કરતા તેમણે જણાવ્‍યું કે,ﾠઆ અંગે હજુ કોઈ ફરિયાદ આવી નથી પરંતુ પોલીસ એ સમય ઘટના સ્‍થળે પણ પહોંચી હતી તેમણે ખાનગી રહે તપાસ ચાલુ કરી છે.