Gujarati News

મોરબી તાલુકા સેવાસદન ખાતે આધાર કાર્ડ માટે પ્રતિદિન અરજદારોની લાંબી લાઈન લાગતી હોય છે અને અરજદારોનો સમય વેડફાતો હોય છે જેથી સેવાસદનમાં બીજું આધાર કાર્ડ સેન્ટર ખોલવાની માંગ કરવામાં આવી છે
સામાજિક કાર્યકર મહાદેવભાઈ ગોહિલ દ્વારા કલેકટરને રજૂઆત કરી જણાવ્યું છે કે લાલબાગમાં આવેલ તાલુકા સેવાસદનમાં આધારકાર્ડ સેન્ટરમાં દરરોજ લાંબી કતારો લાગે છે આધાર કાર્ડ માટે લોકો દુર દુરથી આવતા હોય છે જે અરજદારો સાથે નાના બાળકો હોય અને વૃદ્ધ અરજદારોને પરેશાનીનો સામનો કરવો પડે છે અને મોટી લાઈનમાં ઉભા રહેવું પડે છે છતાં લોકોનો વારો આવતો ના હોય જેથી તાત્કાલિક બીજું આધાર કાર્ડ ખોલવામાં આવે અને લોકોને નવું આધારકાર્ડ મેળવવામાં સરળતા રહે તેવી વ્યવસ્થા કરવાની માંગ કરી છે.