Gujarati News

Gujarati News

News of Thursday, 3rd December 2020

બે પુત્રોને કુવામાં ફેંકી પિતાએ પણ મોતની છલાંગ લગાવી : ત્રણેયના મોત

હાલોલ,તા. ૩: દાહોદ જીલ્લાના લીમખેડા તાલુકાના નાની ખંડીબાર ગામમાં હચમચાવતી ઘટના બની છે. મંગળવારે મોડી સાંજે અજાણ્યા કારણોસર એક યુવકે પોતાના બે બાળકોને કુવામાં ફેંકી પોતે પણ કૂદી પડ્યો હતો. ઘટનામાં ત્રણેયના કરૂણ મોત નિપજતા અરેરાટી વ્યાપી ગયેલ.

પોલીસના અજાણ્યા મુજબ બંડીબાર ગામના ૩૨ વર્ષીય જયંતી પટેલે પત્ની ધનિકાબેન (૩૦), પુત્ર મેહુલ (૧૧) અને યાદવ (૮) સાથે ખેતરથી પરત ફરી રહ્યા હતા. ત્યારે પતિ-પત્ની વચ્ચે કોઇ વાતને લઇને વિવાદ થયેલ. રસ્તામાં આવેલ કુવામાં જયંતિએ પત્નીએ ફેંકવાનો પ્રયાસ કરેલ પણ તે શકય ન બનતા તેણે બંને પુત્રોને કુવામાં ફેંકી દીધા હતા અને પોતે પણ કુદી પડ્યો હતો. આ ઘટનાથી ધનિકાબેને રાડારાડી કરતા આસપાસના લોકો આવી ગયા હતા. કેટલાક લોકો બચાવવા કુવામાં પડ્યા હતા. પણ ત્રણેયના કરૂણ મોત ગઇ ચૂકયા હતા.

(12:50 pm IST)
  • બિહારમાં ગયા જિલ્લાના અમાસ પોલીસ સ્ટેશન હેઠળ આવેલા મહાપુર ગામ નજીક જીટી રોડ ઉપર સ્કોર્પિયો વાહન અને કન્ટેનર ટ્રક વચ્ચે સામ-સામે જોરદાર અથડાતા આ ગંભીર અકસ્માતમાં 3 લોકોનાં મોત નીપજ્યાં છે અને 2 ઘાયલ થયા છે. access_time 12:05 am IST

  • વિશ્વભરમાં બનાવટી કોરોના વેક્સીનના વેચાણનું ષડયંત્ર : ઈન્ટરપોલે વિશ્વભરના દેશોને ચેતવણી આપી છે કે ક્રિમીનલ નેટવર્ક ઈન્ટરનેટ દ્વારા અને બજારોમાં બનાવટી કોરોના વેક્સીનનું વેચાણ કરવા પ્રયાસો કરી રહી છે જેની સામે સૌ સાવધ રહે access_time 4:05 pm IST

  • હરિયાણા પૂર્વ મુખ્યમંત્રી ઓ પી ચૌટાલા ને કોરોના પોઝિટિવ આવતા તેમને દિલ્હી-ગુડગાવની મેંદાંતા હોસ્પિટલમાં દાખલ કરવામાં આવ્યા છે access_time 12:04 am IST