Gujarati News

Gujarati News

News of Thursday, 3rd December 2020

દ્વારકા નજીક કાર હડફેટે બાઇકઃ ૪ વર્ષનાં બાળકનું મોતઃ માતા-પિતા સહિત ૩ને ઇજા

દ્વારકા-ખંભાળીયા : દ્વારકા ઓખા હાઇવે પર કબીર આશ્રમ નજીક હિટ એન્ડ રનની ઘટનામાં લાડવા ગામના જસરાજભા ખીમાભા કેરનો પરિવાર ઘર તરફ જતો હોય તેને પાછળથી સ્વીફટ કારની ઠોકર વાગતાં બાઇકમાં સવાર ચાર વર્ષના બાળક દેવાણંદભા જસરાજભાનું મોત નીપજતા અરેરાટી વ્યાપી ગઇ છે. દ્વારકાના લાડવા ગામની સીમમાં રહેતાં જશરાજભા ખીમાભા કેર (ઉ.૩ર)નામના હિન્દુ વાઘેર યુવાન પોતની બાઇકમાં પત્ની ફાલુબેન, પુત્ર  દેવાણંદભા (ઉ.૪) તથા નવ માસનો પુત્ર ખીમભાને બેસાડી જતાં હતા ત્યારે દ્વારકા કબીર આશ્રમ પાસે જી. જે. ૧૦ બીજી ૩ર૧૮ નંબરની પુરપાટ ઝડપે આવતી કારના ચાલકે બાઇકને ઠોકર મારતાં બાઇક સવાર દંપતી અને બન્ને બાળકો ફંગોળાઇ પડતાં ૪ વર્ષના બાળકનું મોત નિપજયું હતું જયારે  પત્ની  ફાલુબેન જશરાજભા અને નવ માસના  બાળકને સામાન્ય ઇજા થતાં સારવાર લીધી હતી. બનાવ અંગે જશરજભાની ફરીયાદ પરથી જી. જે. ૧૦ બીજી ૩ર૧૮ નંબરના કાર ચાલક વિરૂધ્ધ દ્વારકા પોલીસે ગુનો નોંધી શોધખોળ હાથ ધરી છે. (તસ્વીર - અહેવાલ : કૌશલ સવજાણી (ખંભાળીયા), વિનુભાઇ સામાણી-દિપેશ સામાણી -દ્વારકા)

(11:24 am IST)
  • રાજસ્થાનની રાજધાની જયપુરમાં રામબાગ પેલેસના અધિપતિ અને દૌસાના પૂર્વ સાંસદ મહારાજ પૃથ્વીરાજનું બુધવારે મોડી સાંજે કોરોનાને કારણે અવસાન થતાં ઘેરા શોકની લાગણી પ્રસરી ગઇ છે. રાજસ્થાનમાં પર્યટનના વિકાસ માટે તેમનું મોટું યોગદાન હતું. access_time 12:23 am IST

  • નરેન્દ્રભાઈ બે દિવસની કચ્છની મુલાકાતે આવી રહ્યા છે : વડાપ્રધાન શ્રી નરેન્દ્રભાઈ મોદી ફરી બે દિવસના ગુજરાત પ્રવાશે આવી રહ્યાનું જાણવા મળે છે શ્રી નરેન્દ્ર ભાઈ મોદી આગામી ૧૪ અને ૧૫ ડીસેમ્બર ના રોજ કચ્છ આવી રહ્યા છે. માંડવી ખાતે ડિસેલીનેશન પ્લાન્ટનું ખાતમુહૂર્ત કરશે અને ખાવડામા જંગી સોલાર પ્રોજેકટનુ ખાતમુહૂર્ત કરશે. તેઓશ્રી ધોરડો ખાતે રાત્રી રોકાણ કરે તેવી પણ શકયતા છે. access_time 1:55 pm IST

  • અત્યારે મોડી રાત્રે બુરેવી વાવાઝોડું તોફાની પવન સાથે શ્રીલંકાના સાગર કાંઠા ઉપર ત્રાટકી ચૂક્યું છે અને હવે ભારતના તામિલનાડુના દરિયાકાંઠાથી પસાર થશે વિગતોની રાહ જોવાઈ ગઈ છે access_time 12:13 am IST