Gujarati News

Gujarati News

News of Tuesday, 3rd December 2019

કેશોદમાં કમોસમી વરસાદથી માર્કેટિંગ યાર્ડમાં મગફળીનો જથ્થો પલળી ગયો

આશરે 2000 બોરી પલળી ગઈ : તાડપત્રી પણ ટૂંકી પડી

જૂનાગઢ : કમોસમી વરસાદને કારણે જૂનાગઢના કેશોદ માર્કેટિંગ યાર્ડમાં મગફળીનો જથ્થો પલળી ગયો હતો. કેશોદ માર્કેટયાર્ડમાં વરસાદના કારણે આશરે 2000 બોરી પલળી ગઈ હતી. મગફળી ઢાંકવા માટે લાવવામાં આવેલી તાડપત્રી પણ ટૂંકી પડી હતી. હવામાન વિભાગે કમોસમી વરસાદની આગાહી કરી હોવા છતાં કોઈ આગોતરું આયોજન ન કરવામાં આવતા મગફળીનો જથ્થો પલળી ગયો હતો.

(11:23 pm IST)
  • ભારતીય રેલવેની મુસાફરોને ભેટ : હવે ટ્રેનના જનરલ ડબ્બામાં પણ રિઝર્વેશન મળશે : સીટ નંબર સાથે યાત્રીનો ફોટો વ્હોટ્સ એપ ઉપર આવી જશે : જગ્યા માટે થતા ઝગડા બંધ થઇ જશે :" પાસ ફોર અનરિઝર્વ્ડ બોર્ડ (PURB) " નામક યોજના પ્રાયોગિક ધોરણે શરૂ : ટૂંક સમયમાં સમગ્ર દેશમાં લાગુ કરાશે access_time 12:29 pm IST

  • કોંગ્રેસના નેતા રાહુલ ગાંધી ગઇકાલે ઝારખંડના ચૂંટણી પ્રવાસે ગયા હતાં જે દરમ્‍યાન તેમણે ગ્રામજનો સાથે હળવી પળો માણી હતી તે તસ્‍વીરમાં દેખાય છે access_time 10:36 am IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST