Gujarati News

Gujarati News

News of Tuesday, 3rd December 2019

ભાવનગરમાં તળાવની પાળી ઉપર વેપાર કરવા સામે હેરાનગતિઃ મચ્છીના ટોપલા સાથે દેવીપૂજકોની તંત્રને રજૂઆત

ભાવનગર તા. ૩ :..  ગંગા જળીયા તળાવની પાળી પર મચ્છીનું વેચાણ કરતાં દેવીપૂજકનગર મત્સ્ય ઉદ્યોગ સહકારી મંડળીન સભ્યોને દબાણ હટાવવાના બહો મહાનગરપાલિકાના અધિકારીઓ દ્વારા હેરાનગતી અને નુકસાન કરવામાં આવતું હોય, વેચાણકર્તાઓ દ્વરા મેયરને રજૂઆત કરવામાં આવી હતી.

વિશ્વ હિન્દુ પરિષદના કિરીટભાઇ મીસ્ત્રીની આગેવાની હેઠળ મચ્છીનું વેચાણ કરતાં બહેનો અને ભાઇઓ મચ્છીના ટોપલા સાથે રજૂઆત માટે મહાગરપાલિક કચેરીએ દોડી ગયા હતા અને મેયરની ચેમ્બરમાં ટોપલાઓ સાથે રાખીને રજૂઆત કરી હતી.

મચ્છીના ટોપલા સાથે મેયરની ચેમ્બરમાં ઘુસી ગયેલા વેચાણ કર્તાઓ અને કિરીટભાઇ મીસ્ત્રી દ્વારા મેયર અને સ્ટેન્ડીંગ કમીટી ચેરમેનને રજૂઆત કરવામાં આવી હતી.

મચ્છીના ટોપલા સાથે રજૂઆત કરવામાં આવતાં એક તબકકે મેયર મનહરભાઇ મોરી અને કિરીટભાઇ મિસ્ત્રી વચ્ચે ચકમક ઝરી હતી.

મેયરને રજૂઆત અંગે મનસુખભાઇ એ માહિતી આપી હતી. મચ્છીનું વેચાણ કરતાં લોકોને તંત્ર દ્વારા ગંગા જળીયા તળાવ નજીક વૈકલ્પીક જગ્યા ફાળવવામાં આવે તેમજ તંત્ર દ્વારા ખોટી હેરાનગતી બંધ કરવામાં આવે તેવી માંગણી કરવામાં આવી છે.

(11:54 am IST)
  • અરબી સમુદ્રમાં વાવાઝોડું પવન આકાર લઇ રહ્યું છે,અરબી સમુદ્રમાં રેકર્ડબ્રેક આઠમું વાવઝોડુ સર્જાશે,જોકે ભારતીય સમુદ્રકાંઠે વાવાઝોડાથી કોઈ ભય નથી,અને વાવઝોડુ પવન,સોમાલિયા તરફ આગળ વધશે access_time 8:53 pm IST

  • મહારાષ્ટ્રમાં ભાજપના પંકજા મુંડે,વિનોદ તાવડે સાથે 39 ધારાસભ્યો સંભવિત બળવાખોર તરીકે શંકાના દાયરામાં : ભેદી રાજકીય હિલચાલ શરૂ access_time 10:51 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST