Gujarati News

Gujarati News

News of Tuesday, 3rd December 2019

વાંકાનેરઃ ખેડૂતોની જેમ ગૌશાળા માટે રાહત પેકેજ જાહેર કરવા લલિતભાઇ મહેતા દ્વારા રજુઆત

વાંકાનેર તા.૩: રાજય સરકારે અતીવૃષ્ટિને લઇને ખેડૂતો માટે પેકેજ જાહેર કર્યુ તેમ પાંજરાપોળ અને ગૌશાળા માટે પણ પેકેજ આપવા લલિતભાઇ મહેતા પુર્વ સાંસદએ માગણી કરી પશુપાલન મંત્રીને રજુઆત કરી છે.

તેમણે જણાવેલ કે પાછોતરા વરસાદથી ખેતરોમાં ભેજ છે માવઠાથી ઉભી જુવાર પડી ગઇ છે. ૧ વીઘે ૨૫૦ મણના પાકના બદલે માત્ર ૨૫-૩૦ મણ જ ઉતારો આવ્યો છે. માવઠાના વરસાદથી મગફળીના પાલા ચોપટ થઇ ગયા છે, જે પશુધનના ચારા માટે ઉપયોગી હોય છે.

મગફળીનો પાલો સામાન્ય પરિસ્થિતિમાં ૧૫૦૦/-માં મળે એ રૂ. ૩૦૦૦/-નો ભાવ ચાલે છે. બમણાંથી વધુ ભાવ હોવાથી ૧ પશુ નિભાવ ખર્ચ રૂ. ૩૫-૪૦ હોવો જોઇએ તેના બદલે રૂ. ૭૦-૭૫-૮૦ થઇ રહ્યો છે. લીલી જુવારનો પાક, મોટો ભાગ બગડી ગયો છે. લીલી જુવારની તીવ્ર ખેંચ છે તેથી સામાન્ય રીતે આ સીઝનમા રૂ. ૪૦ની ૧ મણ મળતી જુવાર રૂ. ૮૫-૯૦ની ૧ મણ મળે છે. ૧ પશુ માટેરોજની ૧૦ કિલો જુવારના રૂ. ૪૫ હતા સુકી કડબ ૩ કિલોના રૂ. ૩૦નો ખર્ચ થાય છે.

લીલી મકાઇનો પાક આવતા હજુ ર મહિના થશે. ફેબ્રુઆરી ૨૦૨૦માં લીલી મકાઇનો પાક આવવાની શરૂઆત થશે ત્યારે પણ ૧ મણ મકાઇના રૂ. ૮૦-૯૦ આસપાસ ભાવો હશે.

દરમ્યાન સુકી જવારની કડબ ૧ મણના રૂ. ૧૦૦ આસપાસ આ સીઝનમાં ભાવ રહેવા જોઇએ તે કડબ આજે રૂ. ૧૭૦થી રૂ.૨૦૦ ના ભાવે મળે છે. આમ પાંજરાપોળોનો પશુ નિભાવ ખર્ચ હાલ લગભગ બમણો થઇ ગયો છે. દરરોજ રૂ.૮૦નો ૧ પશુનો નિભાવખર્ચ થતાં પાંજરાપોળો-ગૌશાળાઓ તીવ્ર મુશ્કેલીમાં મુકાઇ છે.તેમ લલિતભાઇએ જણાવેલ છે.

(11:10 am IST)
  • કોંગ્રેસના નેતા રાહુલ ગાંધી ગઇકાલે ઝારખંડના ચૂંટણી પ્રવાસે ગયા હતાં જે દરમ્‍યાન તેમણે ગ્રામજનો સાથે હળવી પળો માણી હતી તે તસ્‍વીરમાં દેખાય છે access_time 10:36 am IST

  • રાજકોટ નજીક શાપર-વેરાવળ પાસે ત્રિપલ અકસ્માત : યુટીલીટી,ખાનગી ટ્રાવેલ્સ,અને આઇસર વચ્ચે અથડામણ : ટ્રાવેલ્સમાં બેઠેલા તમામ હેમખેમ access_time 11:47 pm IST

  • ભારતીય રેલવેની મુસાફરોને ભેટ : હવે ટ્રેનના જનરલ ડબ્બામાં પણ રિઝર્વેશન મળશે : સીટ નંબર સાથે યાત્રીનો ફોટો વ્હોટ્સ એપ ઉપર આવી જશે : જગ્યા માટે થતા ઝગડા બંધ થઇ જશે :" પાસ ફોર અનરિઝર્વ્ડ બોર્ડ (PURB) " નામક યોજના પ્રાયોગિક ધોરણે શરૂ : ટૂંક સમયમાં સમગ્ર દેશમાં લાગુ કરાશે access_time 12:29 pm IST