Gujarati News

(મનસુખભાઇ બાલધા દ્વારા) જામકંડોરણા,તા. ૩ : ભાદરા નાકા પાસે ઉતાવળી નદીના કિનારે રમણીય કુદરતી વાતાવરણમાં શ્રી મહાકાળી માતાજીનું પ્રાચીન મંદિર આવેલુ છે આ મંદિરે વર્ષોથી ગ્રામજનો દ્વારા માતાજીના સાનિધ્‍યમાં બેઠા બેઠા ગરબા ગાળને નવરાત્રીની ઉજવણી કરવામાં આવે છે આ ગરબીમાં જે કોઇને પણ ગરબા ગાવા હોય તે ગાઇ શકે છે તેમજ નગારા, ઢોલક પણ વગાડી શકે છે આ ગરબી મંડળ દ્વારા ગ્રામજનોના સહકારથી દર વર્ષે નવરાત્રી દરમ્‍યાન એક દિવસ શહેરની તમામ ગરબીઓની બાળાઓને ભોજન પ્રસાદનું આયોજન કરવામાં આવે છે. જે પરંપરા મુજબ આ વર્ષે પણ બાળાઓને ભોજન પ્રસાદનું આયોજન કરી પ્રસાદ લેવડાવવામાં આવ્‍યો હતો આ પ્રસંગે રાજકોટ જીલ્લા સહકારી બેંકના ડીરેકટર લલીતભાઇ રાદડીયા તેમજ તાલુકા ભાજપ મહામંત્રી ગૌતમભાઇ વ્‍યાસે હાજરી આપી માતાજીના દર્શનનો અનેરો લ્‍હાવો લીધો હતો.