Gujarati News

તસ્વીરમાં ચેલા ચંગા ગામના ગ્રામજનો નજરે પડે છે. (તસ્વીરઃ કિંજલ કારસરીયા-જામનગર)

જામનગર તા.૩: જામનગર જીલ્લાનાં ચેલા ચંગા ગામના ગરબી દરમિયાન દારૂના દુષણ સાથે પ્રવેશતા ત્રણ શખ્સો સામે પગલા ભરવા જામનગર ડીવાયએસપી કચેરીએ ગ્રામજનોએ રજૂઆત કરીને આ શખ્સો સામે પગલા ભરવા માંગણી કરી છે.

ચેલા ગામના ગ્રામજનોએ ફરિયાદમાં જણાવ્યુ છે કે ઇમ્તીયાઝ રસીદ પીંજારા, સાહીલ રસીદભાઇ પીંજારા, સોહીલ હમીદ પીંજારા (શંકર ટેકરી-જામનગર) તથા ૫ અજાણ્યા શખ્સોએ નવરાત્રીમાં ગાડી (નં.જી.જે.૧૦ બી.૭૦૪૬) લઇને તિક્ષ્ણ હથિયારો સાથે ગરબીમાં આતંક મચાવ્યો હતો અને ખૂનની ધમકી આપીને ગરબી બંધ કરાવી હતી.

આ શખ્સોએ ગામમા ભય ફેલાવતા આજે ચેલા ગામના સરપંચની આગેવાનીમા ગ્રામજનોએ ડીએસપીશ્રીને રજૂઆત કરીને તાત્કાલીક ઝડપી લેવા માંગણી કરી છે.