Gujarati News

મોરબી અને વાંકાનેર ટ્રક ટ્રાન્સપોર્ટ એસોસિએશન દ્વારા મોરબી પંથકના ટ્રાન્સપોર્ટરોના વાહનોની અંદર અવરલોડ માલની હેરાફેરી નહીં કરવા માટેનો નિર્ણય લેવામાં આવ્યો છે તેમ છતાં બહારના રાજયોમાંથી આવતી ગાડીઓમાં ઓવરલોડ માલ ભરીને તેનું પરિવહન કરવામાં આવતું હોય છે

 મોરબી તેમજ વાંકાનેર ટ્રક ટ્રાન્સપોર્ટ એસોસિએશનના હોદ્દેદારો દ્વારા વાંકાનેરની અંદર વાહનોનું ચેકિંગ કરવામાં આવ્યું હતું ત્યારે વાંકાનેર પાસેથી તેમજ ચોટીલા હાઈવે ઉપરથી એમ કુલ મળીને બે ટ્રકો ઓવરલોડ ટાઇલ્સ ભરેલા પકડવામાં આવી હતી અને આ વાહનોમાં બોગસ બીલના આધારે ટાઈલ્સ મોકલાવવામાં આવી રહી હતી જેથી કરીને ટ્રક ટ્રાન્સપોર્ટ એસોસિએશનના હોદ્દેદારો દ્વારા જીએસટી વિભાગના અધિકારીઓને આ અંગેની જાણ કરવામાં આવી હતી