Gujarati News

બોટાદ જિલ્લાના ગઢડા તાલુકાના ગ્રામ્ય વિસ્તારોના ખેડૂતોને પાક માટે કેનાલમાથી પાણી છોડવાની માંગ સાથે ખેડૂતોએ આજે કલેકટર કચેરીમાં રજૂઆત કરી હતી. આ દરમિયાન ખેડૂતો અને પોલીસ વચ્ચે ઘર્ષણ થયુ હતુ અને કારોબારી ચેરમેન વાલજીભાઈ જાદવની સામે અટકાયતી પગલા લેતા મામલો બીચકયો હતો. આ દરમિયાન પોલીસે પાંચ ખેડૂતોની અટકાયત કરી હતી. જ્યાં સુધી ગઢડા તાલુકાના ગ્રામ્ય વિસ્તારના લોકો માટે કેનાલમાંથી પાણી ન છોડાઈ ત્યાં સુધી અચોક્કસ મુદતના ધરણા બોટાદના ધારાસભ્ય પ્રવીણભાઈ મારૂની આગેવાનીમાં શરૂ કરવામાં આવ્યા છે.