Gujarati News

મોરબીના ધરમપુર નજીક મચ્છુ ડેમમાં માછીમારી કરવા માટે ગયેલા યુવાનનું પાણીમાં ડૂબી જવાથી મોત નીપજયું હતું મૃતક યુવાનના ભાઈએ આ બનાવની મોરબી તાલુકા પોલીસને જાણ કરી હતી માટે પોલીસે બનાવની નોંધ કરીને આગળની કાર્યવાહી કરેલ છે

  આ અંગે મળતી વિગત મુજબ મોરબીના સામાકાંઠે ધરમપુર વિસ્તારમાં સાહિલ હોટલની પાછળ મચ્છુ ડેમમાં માછીમારી કરવા માટે મનસુખભાઈ અવચરભાઈ ઝિંઝુવાડીયા (૪૫)(રહે , જુના ધરમપુર રામદેવપીર મંદિર નજીક)ગયા હતા ત્યારે આ યુવાન જે ટ્યુબમાં બેસીને માછી મારી કરતો હતો તે ટ્યુબ પાણીમાં પલટી મારી ગઈ હતી જેથી કરીને પાણીમાં ડૂબી જવાથી મનસુખભાઈ અવચર ભાઈ ઝિંઝુવાડીયા નું મોત નીપજયું હતું આ અંગેની તેના ભાઈ દિનેશભાઇ અવચર ભાઈ ઝિંઝુવાડીયા એ પોલીસને જાણ કરી હતી મોરબી તાલુકા પોલી સે બનાવની નોંધ કરીને આગળની તપાસ બીટ જમાદાર એમ.એલ. બારીયા કરી રહ્યા છે