Gujarati News

અમરેલી જિલ્લામાં કોરોના વાયરસના સંક્રમણને અટકાવવા કલેકટરે જાહેનામું બહાર પાડ્યું છે. જિલ્લા બહારથી આવતી તમામ ખાનગી બસોનું જિલ્લામાં પ્રવેશ કર્યા બાદ ફરજીયાત 1 % સોડિયમ હાઇપોક્લોરાઈટથી બસનું ડીસ ઇન્ફેશકશન કરવાનું રહેશે. પ્રાદેશિક વાહન વ્યવહાર અધિકારીની નોડલ અધિકારી તરીકે નિમણુંક કરવામાં આવી છે. નોડલ અધિકારીએ સાંજે જિલ્લા સર્વેલન્સ અધિકારીને આ અંગેની તમામ માહિતી આપવાની રહેશે. આ માર્ગદર્શિકાનો ભંગ થશે અથવા ઉલ્લંઘન કરનારને કલમ 188 અને 269 મુજબ લેખિત ફરિયાદ કરવામાં આવશે તેવો જાહેરનામામાં ઉલ્લેખ કરાયો છે.

ઉલ્લેખનીય છે કે, તાજેતરમાં જ અમરેલી જિલ્લામાં કલમ 144 લાગુ કરવામાં આવી છે. આગામી એક મહિના સુધી જિલ્લો સંપૂર્ણ કંટ્રોલમાં રહેશે. રાત્રિના 10 વાગ્યા બાદ સંપૂર્ણપણે કર્ફ્યુનુ પાલન કરવુ પડશે. અમરેલી જિલ્લા અધિક મેજીસ્ટ્રેટ દ્વારા આ જાહેરનામુ બહાર પાડવામાં આવ્યું હતું.