Gujarati News

Gujarati News

News of Sunday, 2nd August 2020

ભાવનગરના જવાન શક્તિસિંહ ગોહીલ શહીદ : ભંડારિયા ગામના ગામના શહીદવીરનો નશ્વરદેહ રવિવારે ભાવનગર ખાતે લવાશે

કાલે તેમના દેહને વતનમાં જ અંતિમવિધિ કરાશે : સાંસદ શક્તિસિંહ ગોહિલએ સોશિયલ મીડિયા પર દુઃખ વ્યક્ત કર્યું

.ભાવનગરઃ ભાવનગરના ભંડારિયા ગામના મૂળ રહેવાસી અને આસામમાં લશકરના જવાન તરીકે દેશની સેવા કરતાં અંતિમ શ્વાસ લેનાર ભંડારિયા ગામના યુવાનનો નશ્વરદેહ આવતીકાલે રવિવારે ભાવનગર ખાતે લાવવામાં આવશે. તે આસામ બોર્ડર પર ઓપરેશન એરિયામાં ફરજ બજાવતા હતા ત્યારે તેમને હાર્ટ એટેક આવતા તેઓએ પ્રાણ ત્યજી દીધા હતા. તેઓ મૂળ ભંડારિયા ગામના વતની હોવાથી આવતીકાલે તેમના દેહને વતનમાં જ અંતિમવિધિ કરવામાં આવનાર છે. કોરોનાની સ્થિતિને ધ્યાને લઈ પરિવારના લોકો પણ એ પ્રમાણે આ અંતિમવિધિમાં જોડાશે.

ભાવનગરના ભંડારિયા ગામના સપૂત ગોહિલ શક્તિસિંહ ગજેદરસિંહ આર્મીમાં આસામ યુનિટ (Unit :656 EME BN, Loc: Lekhabali, Dist: Dhemaji, ASSAM. C/o 99 APO)માં હતા.

તેમના અચાનક થયેલા નિધનને પગલે પરિવારમાં ગમગીની છવાઈ છે. તેમના વીરગતિના સંદેશ ગામમાં પહોંચતા જ ગામના લોકો પણ ગમગીન બન્યા છે. આ અંગે કોંગ્રેસના નેતા અને સાંસદ શક્તિસિંહ ગોહિલએ સોશિયલ મીડિયા પર દુઃખ વ્યક્ત કર્યું હતું. તેમણે લખ્યું હતું કે, ઘણા દુઃખની વાત છે કે અરુણાચલમાં ફ્રંટ લાઈનમાં ડ્યૂટી કરતી વખતે તે શહીદ થઈ ગયા.હું રાજનાથ સિંહજીને વિનંતિ કરું છું કે વીર શહીદના પાર્થિવ દેહને ગુજરાતમાં તેમના ગામમાં ચાર્ટર્ડ ફ્લાઈટથી લાવવાની વ્યવસ્થા કરે

(11:54 pm IST)
  • ભારે ઉકળાટ અને ગરમી બાદ નખત્રાણા તાલુકામાં વરસાદી ઝાપટાં:વિરાણી, દેવીસર વિસ્તારના વરસાદ : નખત્રાણા શહેર પણ વરસાદી ઝાપટાં access_time 6:24 pm IST

  • દેશમાં કોરોના કેસનો આંકડો 18 લાખને પાર પહોંચ્યો : રાત્રે 10 વાગ્યે દેશમાં કોરોનાના કુલ કેસની સંખ્યા 18.04,258 થઇ : વધુ 753 લોકોના મોત સાથે મૃત્યુઆંક 38.158 થયો : રાત્રે 10 વાગ્યા સુધીમાં નવા 52,087 કેસ નોંધાયા અને વધુ 39,966 દર્દીઓ રિકવર થયા access_time 10:19 pm IST

  • ટીક-ટોક એપ મામલે ચીન ચારે બાજુથી ઘેરાયું : હવે ઓસ્ટ્રેલિયા પણ પ્રતિબંધ મુકવાની તૈયારીમાં : જાપાનમાં પણ તપાસ ચાલુ : ભારતમાં ચીનની 106 એપ ઉપર પ્રતિબંધ મુકાઈ ગયેલો જ છે access_time 8:26 pm IST