Gujarati News

Gujarati News

News of Saturday, 1st August 2020

તા,૨૫ થી ૨૭ દરમ્યાન અંજાર-રાજકોટ-અંજાર બસમાં પ્રવાસ કરનારાઓ સાવધાન- કોરોના કેસને પગલે સાવધાન

કંડકટરને કોરોના પોઝિટિવ આવતાં અંજાર એસટી ડેપો મેનેજરે કરી અપીલ

ભુજ : અંજાર એસટી ડેપોના કંડકટર અબુભખર સુલેમાન થેબા (ઉ.૫૪)ને તા/૧/૮ ના કોરોના પોઝિટિવ ડિટેકટ થયો છે. જેને પગલે પ્રવાસી વર્ગ અને કર્મચારીઓમાં ચિંતા સાથે ફફડાટ ફેલાયો છે. તે દરમ્યાન અંજાર એસટી ડેપોના મેનેજર એચ.આર. સામરાએ ખાસ જાહેર અપીલ જારી કરી છે. જેમાં જણાવ્યા પ્રમાણે કોરોનાગ્રસ્ત કંડકટર અબુભખર સુલેમાન થેબાએ પોતાની છેલ્લી ફરજ તા/૨૫/૭/૨૦ થી ૨૭/૭/૨૦ દરમ્યાન અંજારથી રાજકોટ જવા માટે સવારે ૭ વાગ્યે ઉપડતી એસટી બસમાં અને રાજકોટથી બપોરે ૧ વાગ્યે અંજાર માટે ઉપડતી એસટી બસમાં બજાવી હતી. એટલે આ સમયગાળામાં જેમણે  અંજાર-રાજકોટ-અંજાર બસમાં મુસાફરી કરી હોય તેઓ સાવચેતી ખાતર સેલ્ફ ક્વોરેન્ટાઈન થઈ જાય અને સરકારશ્રીની કોવિડ ૧૯ અંગેની સુચનાનું ચુસ્ત પાલન કરે

(11:39 pm IST)
  • ગાંધીનગરના કોંગ્રેસના ધારાસભ્ય સી.જે.ચાવડાનો કોરોના રિપોર્ટ પોઝીટીવ access_time 7:50 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST

  • એક સમયે ગુનેહગારોના હાજા ગગળાવતા કર્મઠ રિટાયર્ડ પોલીસ અધિકારી શ્રી સુખદેવસિંહજી ઝાલા, પોતાનું નિવૃતિ જીવન ગાયત્રી પરિવારના નિર્મળ સન્યાસી તરીકે વ્યતીત કરી રહ્યા છે. access_time 4:42 pm IST