Gujarati News

પોરબંદર, ગોસા (ઘેડ) તા. ૧ :  તાલુકાના ઓડેદર ગામે રહેતા અને  સ્કુલ બસ ચલાવતા પોપટભાઇ પુંજાભાઇ ગોરણીયા (ઉ.૩૦) ની અજાણ્યા શખસોએ તિક્ષ્ણ હથિયારો વડે હત્યા કરીને  નાસી ગયા હતા.

ઓડેદરમાં નેશનલ હાઇવે ઉપર કેનાલ પાસે રહેતા પોપટભાઇ પુંજાભાઇ ગોરણિયા (ઉ.વ.૩૦) આજે સવારે રસ્તામાં અજાણ્યા શખ્સોએ આંતરીને તીક્ષ્ણ હથિયારો વડે હુમલો કરીને હત્યા કરી નાખી હતી.  બનાવની જાણ થતાં ડીવાયએસપી સહિત પોલીસ ઘટના સ્થળે દોડી ગઇ હતી.

મરનાર પોપટભાઇ પુંજાભાઇ ગોરણિયા સ્કુલની બસના ડ્રાઇવર હોવાનું બહાર આવ્યું છે. તેમની લાશને પોસ્ટમોર્ટમ માટે પોરબંદરની ભાવસિંહજી હોસ્પિટલમાં લઇ જવાય છે. પોલીસે હત્યા કારણ અંગે તપાસ હાથ ધરી છે.