Gujarati News

ખંભાળિયા, તા. ૧ :  ઓખામાં રહેતા એક પરિવારની આઠ વર્ષની બાળકી પર પાલક પિતાએ હેવાનીયતની તમામ હદ વટાવી પુત્રીના ગુપ્ત ભાગમાં આંગળીથી દુષ્કર્મ આચર્યા બાદ ગુપ્તભાગમાં બ્લેડ વડે ચેકા મારી આ અંગે કોઇને વાત કરીશ તો જાનથી મારી નાખવાની ધમકી આપતા ગભરાયેલી પુત્રીએ તેમને માતાને હકીકત જણાવતાં બનાવ અંગે ઓખા મરીન પોલીસમાં પાલક પિતા સામે ફરીયાદ નોંધાવતાં પોલીસે પોકસો સહિતની કલમ હેઠળ ગુનો નોંધી શૈતાન પિતાની શોધખોળ હાથ ધરી છે.

બનાવ અંગેની પ્રાપ્ત વિગત મુજબ ઓખામાં રહેતા એક પરિવારની માસુમ આઠ વર્ષની પુત્રી પર મુળ હાંબાઇ તાચાણસ્મા અને હાલ ઓખામાં રહેતો પાલક પિતા વિનોદ પ્રેમજી તપોવન એ ગઇકાલે કોઇ ઘરે ન હોય ત્યારે એકલતાનો લાભ લઇ આઠ વર્ષની પુત્રી ઘરમાં હોય તેને વાતોમાં ફોસલાવી કપડા કાઢી શારીરિક અડપલા કરવા લાગ્યો હતો.

જે પછી વાસનાનો કીડો સળવળતાં વિનોદે પુત્રીના ગુપ્તભાગમાં આંગળી નાખી દુષ્કર્મ આચાર્ર્યુ હતું. જે બાદ પુત્રી પિતાની ચૂંગાલમાંથી નીકળવા જતા શૈતાન વિનોદે પુત્રીના પગમાં લાકડીઓ ફટકારી અને ગુપ્ત ભાગમાં બ્લેક વડે છરકા મારતા પુત્રી લોહી લુહાણ થઇ જતા આ બાબતે કોઇને વાત કરીશ તો જાનથી મારી નાખીશ તેવીધમકી આપી વિનોદ નાશી ગયો હતો.

તેમની માતા બહારથી આવતા હેપતાયેલી પુત્રીએ સઘળી હકિકત જણાવતાં માતા પોલીસ મથકે દોડી જઇ સમગ્ર હકિકત જણાવતા ઓખા મરીન પોલીસે પાલક પિતા વિનોદ પ્રેમજી તપોવન વિરૂધ્ધ પોકસો એકટ સહિત આઇપીસી કલમ ૩૭૬ (ર) એફ, ૩૭૬ (એબી) ૩ર૩, ૩ર૪ અને પ૦૬ મુજબ ગુનોનોંધી આખો પોલીસે શોધખોળ હાથ ધરી છે.