Gujarati News

Gujarati News

News of Saturday, 1st August 2020

દેવભૂમિ દ્વારકાનાં ભાડથરમાં મુસ્લિમ પરિવારનાં ચાલીસના કાર્યક્રમમાં મહિલાને કોરોના પોઝીટીવ આવતા ફફડાટ

ખંભાળીયા તા. ૧ :.. દેવભૂમિ દ્વારકા જિલ્લાના ભાડથાર ગામે એક મુસ્લીમ પરિવાર દ્વારા મૃત્યુના ૪૦માં દિવસે ચાલીસના કાર્યક્રમ રાખવામાં આવેલ જેમાં ધોરાજીની મહીલા આવેલી તેનો કોરોના પોઝીટીવ કેસ નીકળતા ભાડથર ગામમાં ભારે ફફડાટ ફેલાયો છે.

હાલ બેસણું પ્રાર્થના સભાની મનાઇ છે ત્યારે ૪૦ ના આ કાર્યક્રમમાં લોકો મોટી સંખ્યામાં ભેગા થાય તો સ્થાનિક તંત્ર શું કરતું હતું ? ભાડથરમાં તો પ્રાથમિક આરોગ્ય કેર પણ છે તથા ભાડથર બીટ પોલીસ ચોકડી પણ છે. જે જગ્યાએ કોરોના પોઝીટીવ કેસ નીકળ્યો તે ચાલીસાના સ્થળની ૧૦૦ ફુટ નજીક જ શાળા અને આંગણવાડી છે. જિલ્લા કલેકટરનું જાહેરનામું છે જેમાં આવા ભંડારાના કાર્યક્રમો સામુહિક કેમ થયા ? જો કે ભંડારા વખતે કોઇ જાગૃત નાગરીકે ફોન કરીને તંત્રને જાણ કરી હોત તો ચુસ્ત પગલા લેવાયા હોત.

હાલ આરોગ્ય વિભાગ દ્વારા એકઠા થયેલ લોકોના નામો મેળવીને તેમનું ચેકીંગ કરવા વ્યવસ્થા કરાઇ છે. લોકો મોટી સંખ્યામાં ભેગા થતા હોય સંક્રમણનો ભય હોય ભાડથરના લોકો ફફડી રહ્યા છે....!!

ખંભાળીયામાં શકિતનગરમાં રહેતા ડાભી વાલજી ખીમજીભાઇ ઉ.પ૪ વાળાને તાવ, શરદી, ઝાડા તથા માથાનો દુઃખાવો હોય ખંભાળીયાની ખાનગી હોસ્પિટલમાં સારવાર લઇને સરકારી હોસ્પિટલમાં દાખલ થતાં લક્ષણો જણાતા તેમનો ટેસ્ટ કરાતા પોઝીટીવ નીકળતા કોરોના વોર્ડમાં દાખલ કરાયા છે. અગાઉ તેઓ રાજકોટ ગયેલા હતાં.

દ્વારકા જિલ્લા ઇન્ચાર્જ આરોગ્ય અધિકારીશ્રી ડો. સુતરીયાના જણાવ્યા પ્રમાણે જિલ્લામાં હાલ કુલ ૬૭ પોઝીટીવ કેસ થયેલા છે જેમાં ૩૩ ડિસ્ચાર્જ થયા છે તથા ૩૧ એકિટવ છે જેમાં બે દર્દી ઓકસીઝન ઉપર બે હોમ આઇસોલેશન અને ર૭ દર્દી સ્ટેબલ છે.

(11:12 am IST)
  • ગોંડલમાં કોરોનાના વધુ આઠ કેસ પોઝીટીવ : નારાયણનગર,અલખના ઓટલા પાસે,સટોડિયા સોસાયટી,કપુરીયા પરા ,ભોજરાજપરા,કૈલાશબાગ,ગ્રીનપાર્કમાં કોરોના કેસ : મોટી ખીલોરીમાં પણ કોરોના કેસ નોંધાયો access_time 8:41 pm IST

  • રાજકોટમાં દૂધની ડેરી પાસે થયેલ આરીફ ચાવડાની હત્યાનો મામલે પ્ર.નગર પોલીસે 2 શખ્સોની કરી ધરપકડ: ગણતરીની મિનિટોમાં પ્ર નગર પોલીસે 2 શખ્સોની ધરપકડ કરી access_time 11:52 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST