Gujarati News

Gujarati News

News of Saturday, 1st August 2020

જામનગરમાં સર્પસૃષ્ટિ પોસ્ટરનું વિમોચન કરતા રાજ્યમંત્રી જાડેજા

જામનગર,તા.૧: સાપ વિશે આપણાં સમાજમાં અનેક ગેરમાન્યતાઓ છે. જેના લીધે અનેક લોકો સાપને પોતાનો દુશ્મન સમજે છે. સાપ વિષે અપૂરતી માહિતીના કારણે બિન ઝેરી સાપ કરડવાથી પણ લોકો મૃત્યુ પામે છે.

સાપ અંગેની ખરી હકીકત સમાજનાં ખૂણે-ખૂણે પહોંચાડવા જામનગરની સેવા સંસ્થા નવાનગર નેચર કલબ દ્વારા ગુજરાતમાં જોવા મળતા ચાર ઝેરી સાપોની માહિતી દર્શાવતું એક પોસ્ટર પ્રકાશિત કરવામાં આવ્યું જેનું આજરોજ અન્ન અને નાગરિક પુરવઠા રાજયમંત્રીશ્રી ધર્મેન્દ્રસિંહ એમ.જાડેજાના વરદ હસ્તે વિમોચન કરવામાં આવ્યું હતું.

 આ પોસ્ટર શહેર-ગ્રામ્યની સ્કૂલ,કોલેજો અને સરકારી કચેરીઓમાં લગાડવામાં આવશે. વિમોચન પ્રસંગે મંત્રીશ્રીએ કહ્યું હતું કે, 'આ પોસ્ટરથી પુરાતનકાળથી મનુષ્ય અને સાપનો ચાલ્યો આવતો નાતો કેવો વિશિષ્ટ છે એ લોકોને ખ્યાલ આવશે. ભગવાન શિવના ગળામાં ધારણ કરેલ સાપએ ભારતીય સંસ્કૃતિમાં સાપનું શું મહત્વ છે એ દર્શાવે છે. સાપ એ ખેડૂતનો મિત્ર છે ત્યારે લોકોમાં રહેલી સાપ વિષેની ભ્રામક માન્યતાઓ અંગે સ્પષ્ટતા થવાથી લોકોને સચોટ માહિતી મળશે. આ પોસ્ટર દ્વારા સામાન્ય માણસને પણ ઝેરી-બિનઝેરી સાપની ઓળખ થશે જેના લીધેઙ્ગ સાપ અને લોકોના જીવ બચાવી શકીશું.'

આ જાગૃતિલક્ષી કાર્ય માટે નવાનગર નેચર કલબના વિજયસિંહ જાડેજા, પ્રવિણસિંહ જાડેજા, દિનેશભાઇ દેસાઇ, મિતેશભાઇ બુધ્ધભટ્ટી, ધર્મેશભાઇ અજા, દિલિપસિંહ જેઠવા, વનરાજસિંહ ચૌહાણ અને કુલદીપસિંહ ઝાલાએ ભારે જહેમત ઉઠાવી હતી.

(11:10 am IST)
  • અયોધ્યામાં રામમંદિરના નિર્માણ સાથે રેલવે સ્ટેશનની પણ કાયાપલટની કરાશે : 104.77 કરોડ રૂપિયાના ખર્ચે અદ્યતન સુવિધાઓ સાથેના રેલવે સ્ટેશનની નવી ડિઝાઇન તૈયાર : ટિકિટ માટેના કાઉન્ટરની સંખ્યા વધશે : 3 એર કન્ડિશન્ડ વેઇટિંગ રૂમ ,17 બેડ સાથેની પુરુષો માટેની તથા 10 બેડ સાથેની મહિલાઓ માટેની ડોર્મેટરી : ફૂટ ઓવર બ્રિજ , ટેક્સી બુથ,વી.આઇ.પી.લોન્જ , ફૂડ પ્લાઝા સ્ટોલ્સ ,સહીત અનેક સુવિધાઓ સાથે યાત્રિકોની સગવડમાં વધારો કરાશે access_time 8:47 pm IST

  • રાજ્યના શિક્ષણમંત્રી ભૂપેન્દ્રસિંહ ચુડાસમા ભગવાન દ્ધારકાધિશના દશઁન કરી શિશ જુકાવી અને કોરોના માથી વિશ્ર્વ મુક્ત થાય તે માટે પ્રાથના કરી access_time 10:44 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST