Gujarati News

રાજકોટ તા. ૨: થાનગઢમાં રાજીવનગરમાં રહેતાં વિજ્યાબેન ગાંડુભાઇ મકવાણા (ઉ.વ.૪૨) પર રાત્રીના સુનિલ મકવાણા, વિપુલ રાઠોડ, વિશાલ રાઠોડ, હિતેષ મકવાણા સહિતે ધોકાથી હુમલો કરી માથામાં ઇજા કરતાં થાન સારવાર અપાવી રાજકોટ સિવિલ હોસ્પિટલમાં ખસેડવામાં આવતાં ચોકીના હેડકોન્સ. દેવરાજભાઇ નાટડાએ થાન પોલીસને જાણ કરી હતી.

વિજ્યાબેનના સગા રોહિતના કહેવા મુજબ સુનિલ સહિતના શખ્સો રોજબરોજ નશો કરી ઘર પાસે ગાળાગાળી અને ખેલ કરે છે. તેને સમજાવવા જતાં હુમલો કર્યો હતો. પોલીસે આક્ષેપો અંગે તપાસ હાથ ધરી છે.