Gujarati News

Gujarati News

News of Tuesday, 2nd June 2020

ભુજ નજીક નાગોરમાં મહિલા સંચાલિત જુગારધામ ઝડપાયું : 6 મહિલા સહિત 8 પત્તાપ્રેમીઓ ઝડપાયાં

ગીતા નાલ ઉઘરાવીને બહારથી ખેલીઓ બોલાવી ઘરમાં જુગાર રમાડતી

ભુજઃ ભુજ નજીક આવેલા નાગોર ગામે મહિલા દ્વારા રહેણાંક મકાનમાં ચલાવાતાં જુગારધામ પર ગત મધરાત્રે પોલીસે દરોડો પાડી 6 મહિલા સહિત 8 ખેલીઓની અટકાયત કરી છે. બાતમીના આધારે ભુજ બી ડિવિઝનના ASI પંકજ કુશ્વાહા અને પોલીસ ટીમે નાગોર ગામે શંકર મંદિરની બાજુમાં ગીતાબેન શાંતિનગર ગુંસાઈ (મૂળ રહે. જૂનાવાસ, સુખપર)ના કબ્જા-ભોગવટાના રહેણાંક મકાનમાં અડધી રાત્રે પોણા 1 વાગ્યે દરોડો પાડ્યો હતો.

  ગીતા નાલ ઉઘરાવીને બહારથી ખેલીઓ બોલાવી ઘરમાં જુગાર રમાડતી હોવાની બાતમી હતી. પોલીસે પાડેલા દરોડોમાં ગીતા સહિત 8 ખેલી ગંજીફા વડે જુગટું રમતાં રંગેહાથ ઝડપાઈ ગયાં હતા. પોલીસે ઝડપેલાં ખેલીઓમાં અંજનાબેન રતનગર ગુંસાઈ (ઉ.વ.30, નાગોર), સપનાબા શક્તિસિંહ ઝાલા (ઉ.વ.36, સુખપર), હિના પ્રકાશગર ગોસ્વામી (ઉ.વ.37, મિરજાપર), રમીબેન ઊર્ફે તુલસીબેન પ્રભુભાઈ ચાવડા (ઉ.વ.39, મિરજાપર), ભાવિકા ઊર્ફે ભાવનાબેન જીતુભાઈ ગોસ્વામી (ઉ.વ.35, મિરજાપર), પ્રભુ મેરામણભાઈ ચાવડા (ઉ.વ.40, મિરજાપર), શક્તિસિંહ રઘુભા ઝાલા (ઉ.વ.40, સુખપર) અને ગીતાબેન ગુંસાઈ (ઉ.વ.38, નાગોર)નો સમાવેશ થાય છે.

  આરોપીઓ પાસેથી પોલીસે 26800ની રોકડ, 21 હજારની કિંમતના 6 મોબાઈલ ફોન અને 40 હજારની કિંમતની બે મોટર સાયકલ મળી કુલ 87800નો મુદ્દામાલ કબ્જે કર્યો છે. આઠેય સામે પોલીસે જુગારધારાની કલમ 4 અને 5 તેમજ કલેક્ટરના જાહેરનામા-કોવિડ એડવાઈઝરીનો ભંગ કરવા બદલ IPC 188, 269, 270 હેઠળ ગુનો દાખલ કર્યો છે.

(11:49 am IST)
  • 4 જૂનથી રાજ્યની તમામ RTO કચેરીઓ શરૂ થશે: વાહન અને લાયસન્સ સંબંધિત કામગીરી માટે ઓનલાઇન એપોઇન્ટમેન્ટ મેળવવી જરૂરી: ફિટનેસ માટે તારીખની યાદી જાહેર કરવામાં આવી, 8 જૂનથી થશે શરૂ : મહાનગરોમાં શનિ-રવિ પણ આરટીઓ ચાલુ રહેશે access_time 11:46 pm IST

  • અર્થતંત્રને ધબકતુ કરવા ઉદ્યોગપતિઓ સાથે મંથન : ભારતીય ઉદ્યોગ પરિસંઘ (CII)ના વાર્ષિક સત્રને નરેન્દ્રભાઇ મોદીનું સંબોધન : દેશને આત્મનિર્ભરની રાહ પર આગળ વધીને મેક ઇન ઇન્ડિયાને કઇ રીતે મેડ ફોર ધ વર્લ્ડ માટે નિર્માણ કરવું એ રોડમેપ તૈયાર કરવો પડશે : સરકાર હંમેશા ઉદ્યોગજગતની સાથે ઉભી છે : ૩ મહિનામાં પીપીઇ કિટમાં હજારો કરોડોનો ઉદ્યોગ ઉભો થયો : હવે લોકલ ચેનની સપ્લાઇમાં રોકાણ કરવું પડશે : CIIએ નવી ભૂમિકામાં પ્રગતિ કરવી પડશે access_time 12:46 pm IST

  • ખાનગી ડોક્ટરોના પ્રિસ્ક્રિપ્શન ઉપર કોરોના માટે કોઈપણ નિયુક્ત કરેલી સરકારી હોસ્પિટલ કે લેબોરેટરીમાં કોરોના ટેસ્ટ કરવી શકશે. અન્ય કોઈ મંજૂરીની જરૂર નથી access_time 10:51 pm IST