Gujarati News

Gujarati News

News of Tuesday, 2nd June 2020

વાંકાનેરમાં સ્ટવમાં ભડકો થતાં ભાવેશ કોળી અને પત્નિ સંગીતા દાઝયાઃ રાજકોટ ખસેડાયા

પત્નિ કેરોસીન પુરતી હતી ત્યારે ડબલુ ઢોળાયુ અને એ વખતે જ પતિએ ધૂપદિવા કરી દિવાસળી ફેંકતા ભડકો થયો

રાજકોટ તા. ૨: વાંકાનેરના આરોગ્ય નગરમાં ગાયત્રી મંદિર પાસે રહેતો કોળી યુવાન ભાવેશ મનુભાઇ ઉધરેજા (ઉ.વ.૩૧) અને તેની પત્નિ સંગીતા (ઉ.૨૮) ઘરે સાંજે દાઝી જતાં સારવાર માટે વાંકાનેર હોસ્પિટલમાં અને ત્યાંથી રાજકોટ સિવિલમાં ખસેડાયા છે.

હોસ્પિટલ ચોકીના સ્ટાફે આ અંગે વાંકાનેર પોલીસને જાણ કરી હતી. ભાવેશ એક બહેનથી નાનો છે અને કારખાનામાં કામ કરે છે. તેણે આઠ વર્ષ પહેલા વાંકાનેરની જ સંગીતા સાથે લગ્ન કર્યા છે. સંતાનમાં એક પુત્ર અને ત્રણ પુત્રી છે. સંગીતાના કહેવા મુજબ સાંજે પોતે રસોઇ બનાવતી હતી ત્યારે સ્ટવમાં કેરોસીન પુરવા જતાં ડબલાનું ઢાંકણું ખુલ્લુ હોઇ ઉપરથી ઉતારતી વખતે કેરોસીન ઢોળાઇ ગયુ હતું. આ વખતે જ પતિ ભાવેશે ધૂપ દિવા કરીને દિવાસળી ફેંકતા કેરોસીન ઢોળાયેલુ હોવાથી સીધો ભડકો થયો હતો અને અમે બંને દાઝી ગયા હતાં.

પતિ ભાવેશે પણ બનાવ અકસ્માતે બન્યાનું કહ્યું હતું. બનાવ વખતે ચારેય સંતાનો નજીકમાં દાદાના ઘરે હતાં. બનાવ અંગે વાંકાનેર પોલીસે વધુ તપાસ હાથ ધરી છે.

(10:47 am IST)
  • સાબરકાંઠા જિલ્લામાં આજે કોરોનાના 20 દર્દીઓને રજા અપાઈ :જિલ્લામાં 92 કેસમાંથી 76 દર્દીઓ સાજા થયા: સાબરકાંઠા જિલ્લામાં કુલ 13 કોરોનાના એક્ટીવ કેસ : કુલ 3 ના મરણ access_time 9:14 pm IST

  • ભારતમાં કાળોકેર યથાવત : છેલ્લા 24 કલાકમાં નવા 7695 કેસ વધ્યા: રાત્રે 12-30 વાગ્યા સુધીમાં દેશમાં કોરોનાના કુલ 1, 98,343 કેસ નોંધાયા : 96,970 એક્ટિવ કેસ : 95,754 દર્દીઓ રિકવર થયા :વધુ 201 દર્દીના મોત સાથે કુલ મૃત્યુઆંક 5608 થયો :મહારાષ્ટ્રમાં સૌથી વધુ નવા 2358 કેસ સાથે કુલ સંક્રમિતની સંખ્યા 70,013 થઇ : તામિલનાડુમાં નવા 1162 કેસ :દિલ્હીમાં 990 નવા કેસ નોંધાયા access_time 12:53 am IST

  • કાશ્મીરમાં વધુ એક આતંકી ઠાર : જમ્મુ- કાશ્મીરમાં ઘુસી આવેલા ૨૦ જેટલા પાકિસ્તાની આતંકીઓને લશ્કર બરાબર પદાર્થપાઠ ભણાવી રહેલ છેઃ ૫ દિવસના મીની યુદ્ધમાં લગભગ ૧૩ આતંકીને ફુંકી માર્યા છેઃ ત્યારે આજે સવારે કાશ્મીરના અવંતીપોરામાં વધુ એક આતંકી ઠાર મરાયો છેઃ અન્ય ૨ થી ૩ને ઘેરી લીધા છેઃ તેની સાથે એન્કાઉન્ટર સવારે ચાલુ હોવાનું સુરેશ ડુગ્ગર જમ્મુથી જણાવી રહ્યા છે access_time 12:46 pm IST