Gujarati News

Gujarati News

News of Tuesday, 2nd June 2020

જુનાગઢ ખરાવાડમાં મોડી રાતે રોહિત સિંધી અને મિત્ર નોમાનખાન પર હુમલોઃ રોહિતને ગંભીર ઇજા

સવારે નોમાનખાન અને ફૈઝલને સામુ જોવા બાબતે થયેલી તકરાર કારણભુતઃ બંને મિત્રોને રાજકોટ ખસેડાયા

રાજકોટ તા. ૨: જુનાગઢ જલારામ સોસાયટીમાં રહેતાં સિંધી યુવાન અને તેના મિત્ર મુસ્લિમ યુવાન પર રાત્રીના ખરાવાડ વિસ્તારમાં મુસ્લિમ શખ્સોએ પાઇપ, છરીથી હુમલો કરતાં બંનેને જુનાગઢ સારવાર અપાવી રાજકોટ ખસેડાયા છે. જેમાં સિંધી યુવાનને ગંભીર ઇજા પહોંચી છે. સિંધી યુવાનના મિત્રને સવારે સામુ જોવા મામલે ચડભડ થઇ હતી. તેનો ખાર રાખી આ હુમલો કરાયો હોવાનું બહાર આવ્યું છે.

જુનાગઢ રહેતો રોહિત ઘનશ્યામભાઇ આસવાણી (ઉ.૩૫) તથા તેનો મિત્ર નોમાનખાન માસીરખાન પઠાણ (ઉ.૪૦) રાત્રીના એકાદ વાગ્યે ગુલીસ્તાન સોસાયટી પાછળ ખરાવાડ વિસ્તારમાં બેઠા હતાં ત્યારે ફૈઝલ, જમીલ, તેના પિતા સહિતનાએ આવી ધોકા, પાઇપ, છરીથી નોૈમાનખાન પર હુમલો કર્યો હતો. મિત્ર રોહિત બચાવવા વચ્ચે પડતાં તેને પણ ઘા ઝીંકી દેવાયા હતાં. બંને લોહીલુહાણ થઇ જતાં જુનાગઢ હોસ્પિટલમાં અને ત્યાંથી રાજકોટ ખસેડાતાં હોસ્પિટલ ચોકીના દેવરાજભાઇ નાટડા અને રવિભાઇએ જાણ કરતાં જુનાગઢ પોલીસે રાજકોટ આવી ફરિયાદ નોંધવા તજવીજ કરી હતી. પોલીસ તપાસમાં ખુલ્યા મુજબ ગઇકાલે સવારે નોમાનખાનને અને ફૈઝલને વાહન લઇને સામ સામે નીકળ્યા ત્યારે સામુ જોવા બાબતે ચડભડ થઇ હતી. એ પછી નોમાનખાન ગત રાતે મિત્ર રોહિતને લઇને ખરાવાડમાં ગયો હતો ત્યારે ફૈઝલ સહિતના સવારના ઝઘડાનો ખાર રાખી તૂટી પડ્યા હતાં. મિત્ર રોહિત વચ્ચે પડતાં તેને પણ ઘાયલ કરાયો હતો. તેને વધુ ઇજા પહોંચી છે.

(10:46 am IST)
  • સાબરકાંઠા જિલ્લામાં વાતાવરણમાં પલટો આવ્યો: વડાલીમાં વરસાદની ધમાકેદાર એન્ટ્રી ખેડબ્રહ્મા શહેરમાં ભારે પવન સાથે ધૂળની ડમરીઓ ઉડી: ગાજવીજ સાથે વરસાદનું આગમન access_time 9:03 pm IST

  • ભારતમાં કાળોકેર યથાવત : છેલ્લા 24 કલાકમાં નવા 7695 કેસ વધ્યા: રાત્રે 12-30 વાગ્યા સુધીમાં દેશમાં કોરોનાના કુલ 1, 98,343 કેસ નોંધાયા : 96,970 એક્ટિવ કેસ : 95,754 દર્દીઓ રિકવર થયા :વધુ 201 દર્દીના મોત સાથે કુલ મૃત્યુઆંક 5608 થયો :મહારાષ્ટ્રમાં સૌથી વધુ નવા 2358 કેસ સાથે કુલ સંક્રમિતની સંખ્યા 70,013 થઇ : તામિલનાડુમાં નવા 1162 કેસ :દિલ્હીમાં 990 નવા કેસ નોંધાયા access_time 12:53 am IST

  • જૂનાગઢમાં બે દિવસના વિરામ બાદ કોરોનાએ ફૂફાડો માર્યો : એક રિપોર્ટ પોઝિટિવ આવતા તંત્રમાં દોડધામ : લંઘા વાળા સ્ટાર મંઝીલ એપાર્ટમેન્ટમાં રહેતા મહિલાને કોરોના સંક્રમિત access_time 11:44 pm IST