Gujarati News

Gujarati News

News of Tuesday, 2nd March 2021

જામનગરમાં ૧૭ વર્ષના શુભમ્ ધામેચાનું અગાસી પર હીંચકા ખાવા ગયા બાદ પટકાતા મોત

મૃતક સગીર પરિવારનો એકનો એક પુત્ર હતો : રાજકોટમાં દમ તોડયો

રાજકોટ તા. ૨ : જામનગર પટેલ કોલોનીમાં અગાશી ઉપર હિંચકા ખાવા ગયા બાદ પટકાતા ૧૭ વર્ષના સગીરનું મૃત્યુ નિપજતા પરિવારમાં શોક વ્યાપી ગયો છે.

મળતી વિગત મુજબ જામનગરની પટેલ કોલોનીમાં રહેતો શુભમ્ વિપુલભાઇ ધામેચા (ઉ.૧૭) ગઇકાલે નિત્યક્રમ મુજબ અગાશી ઉપર હિંચકા ખાવા ગયો હતો ત્યારે તે અચાનક અગાશી પરથી પટકાતા તેને માથાની ડાબી બાજુ ઇજા થઇ હતી. અવાજ આવતા પાડોશીએ જાણ કરતા તેના પરિવારજનો દોડી આવ્યા હતા અને શુભમને તાકીદે સારવાર માટે રાજકોટની ખાનગી હોસ્પિટલમાં ખસેડાયો હતો ત્યાં તેનું સારવાર દરમિયાન મોત નિપજ્યું હતું. મૃતક શુભમ અભ્યાસ કરતો હતો. તેના પિતા જામનગરની એસબીઆઇ બેંકમાં નોકરી કરે છે. એકના એક પુત્રના મૃત્યુથી પરિવારમાં શોક વ્યાપી ગયો છે. આ બનાવ અંગે યુનિવર્સિટી પોલીસ મથકના હેડ કોન્સ. સાજીદભાઇ તથા રાઇટર અનુજભાઇએ પ્રાથમિક કાગળો કરી જામનગર મોકલવા તજવીજ હાથ ધરી છે.

(11:56 am IST)
  • સિનિયર ડિપ્લોમેટ મનપ્રિત વોહરાની ઓસ્ટ્રેલિયા ખાતેના ભારતના નવા હાઈ કમિશનર તરીકે નિમણુક કરવામાં આવી છે. access_time 7:44 pm IST

  • ક્ચ્છની ગાંધીધામ તા.પં. ફાઇનલ પરિણામો જાહેર :16 પૈકી 12 બેઠકો પર ભાજપની જીત :કોંગ્રેસને 3 અને આપને 1 બેઠક મળી :. જિ.પં.ની બે બેઠક પણ ભાજપને ફાળે access_time 12:17 pm IST

  • રાજકોટ જીલ્લા પંચાયતની કસ્તુરબાધામ બેઠક ઉપર ભાજપના ભુપતભાઈ બોદર જંગી બહુમતીથી જીતી ગયા છે access_time 11:39 am IST