Gujarati News

Gujarati News

News of Tuesday, 1st December 2020

દ્વારકાના ધ્રેવાડ પાસે અકસ્માતમાં ૪ના મોત

કાર અને ટ્રક વચ્ચે અકસ્માત સર્જાતા ૩ પુરૂષ અને ૧ મહિલાનો ભોગ લેવાતા અરેરાટી

(કૌશલ સવજાણી દ્વારા) ખંભાળીયા, તા. ૧ :. દેવભૂમિ દ્વારકા જિલ્લાના ધ્રેવાડ ગામ પાસે સર્જાયેલા અકસ્માતમાં ૪ના મોત થતા અરેરાટી વ્યાપી ગઈ છે.

પ્રાપ્ત માહિતી મુજબ દ્વારકાના ધ્રેવાડ ગામ પાસે આજે બપોરે કાર અને ટ્રક વચ્ચે જોરદાર અકસ્માત સર્જાયો હતો અને કાર ટ્રકમાં ઘુસી ગઈ હતી. આ અકસ્માતમાં ૩ પુરૂષો અને ૧ મહિલાનું મોત નિપજ્યુ હતું. મૃતકોને દ્વારકા પોસ્ટમોર્ટમ માટે ખસેડેલ છે.

આ અકસ્માતમાં જૈમીન હરદેવભાઈ ઠાકર (ઉ.વ. ૧૯), પાનસિંહ ભૂપતસિંહ રાજપૂત (ઉ.વ.૨૬) અને મહેન્દ્રસિંહ ઠાકર (ઉ.વ. ૩૦) તથા એક મહિલાનું મોત નિપજ્યુ છે.

આ બનાવ અંગે દ્વારકા તાલુકા પોલીસે વધુ તપાસ હાથ ધરી છે. બનાવની જાણ થતા ૧૦૮ એમ્બ્યુલન્સ ઘટના સ્થળે દોડી ગઈ હતી અને તાબડતોબ સારવાર શરૂ કરી હતી.

(4:44 pm IST)
  • ૨૪ કલાકમાં મહારાષ્ટ્રમાં ૪૯૩૦ નવા કોરોના કેસ નોંધાયા: છેલ્લા 24 કલાકમાં મહારાષ્ટ્રમાં 4,930 નવા કોરોના કેસ, 6290 રિકવરી અને 95 મૃત્યુ નોંધાયા છે access_time 9:24 pm IST

  • ગુજરાત સચિવાલયના નાણાં વિભાગના સેક્રેટરી આઈએએસ મિલિન્દ તોરવણેને ગુજરાત અલ્કલાઈન્સ અને કેમિકલ લી ,ના મેનેજીંગ ડિરેક્ટર તરીકેનો વધારો હવાલો સોંપાયો access_time 11:37 pm IST

  • ''ટાઈગર સ્ટેટ''માં ૧૯ વર્ષમાં ૨૯૦ વાઘના મોત થયા : મધ્ય પ્રદેશમાં છેલ્લા ૧૯ વર્ષમાં ૨૯૦ વાઘના મોત થયાઃ હાલમાં મધ્યપ્રદેશમાં ૫૫૦ વાઘ છેઃ મધ્યપ્રદેશને ''ટાઈગર સ્ટેટ'' તરીકે ઓળખવામાં આવે છે access_time 12:51 pm IST