Gujarati News

Gujarati News

News of Tuesday, 1st December 2020

રાજુલાના ધાતરવડી સિંચાઈ યોજનાના અધિક મદદનીશ ઈજનેર પાસે આવક કરતા ૯૭.૭૧ ટકા રકમ વધુ હોવાનું ખૂલ્યુ

અમરેલી એસીબી ટીમે ગુન્હો નોંધીને તપાસનો ધમધમાટ

(અરવિંદ નિર્મળ દ્વારા) અમરેલી, તા. ૧ :. અમરેલી એસીબીના પી.આઈ. રમેશભાઈ દવેએ જણાવ્યુ કે, રાજુલા તાલુકામાં ધાતરવડી સિંચાઈ યોજનાના અધિક મદદનિશ ઈજનેર તરીકે ફરજ બજાવતા અને હાલમાં નિવૃત થયેલા અધિકારી કાળુભાઈ શાર્દુળભાઈ રામ પાસે અપ્રમાણસર મિલ્કત હોવાની અમરેલી એસીબીને મળેલી ફરીયાદના આધારે તપાસનો ધમધમાટ શરૂ કરવામાં આવ્યો હતો. આરોપીની કાયદેસરની આવક રૂ. ૭૧ લાખ ૪૪ હજાર ૫૧૬ હતી અને તેની સામે તેના દ્વારા રૂ. ૧ કરોડ ૩૮ લાખ ૭૮ હજાર ૨૯૧ ખર્ચ અને રોકાણ કરવામાં આવ્યુ હતું.તે તેમની આવક કરતા ૯૭.૭૧ ટકા વધુ છે. એસીબી દ્વારા તેના બેન્ક ખાતાના વ્યવહારોનની પણ ચકાસણી કરવામાં આવી હતી. જેમા પોતાના અને આશ્રિતોના ખાતામાં મળીને રૂ. ૨૨ લાખની રકમ જમા કરાવવામાં આવી હતી. ૬૧.૧૧ લાખ સ્થાવર અને જંગમ મિલ્કતોની ખરીદી પેટે વાપરવામાં આવ્યા હતા. ખાતામાં ૭૦ લાખ ઉપરાંતની રકમ હતી. આરોપીની સામે અમરેલી એસીબી દ્વારા ગુનો નોંધીને આગળની કાર્યવાહી હાથ ધરવામાં આવી છે.

(1:02 pm IST)
  • દુનિયાના સૌથી વધુ પ્રદુષિત શહેરોમાં પાકિસ્તાનનું લાહોર પ્રથમ ક્રમે : ભારતનું દિલ્હી બીજા ક્રમે : નેપાળની રાજધાની કાઠમંડુ ત્રીજા ક્રમે : વિશ્વના સૌથી વધુ પ્રદુષિત શહેરો પૈકી પ્રથમ ત્રણ સાઉથ એશિયાના : યુ.એસ. એર ક્વોલિટી ઈન્ડેક્સનો સર્વે access_time 11:53 am IST

  • વોડાફોન - આઈડિયાઍ ફેમીલી પોસ્ટ પેઈડ પ્લાનનો ભાવ રૂ.૫૯૮માં ૫૦ રૂ.નો વધારો કરી રૂ.648 કર્યા છે access_time 5:02 pm IST

  • ગુજરાત સચિવાલયના નાણાં વિભાગના સેક્રેટરી આઈએએસ મિલિન્દ તોરવણેને ગુજરાત અલ્કલાઈન્સ અને કેમિકલ લી ,ના મેનેજીંગ ડિરેક્ટર તરીકેનો વધારો હવાલો સોંપાયો access_time 11:37 pm IST