Gujarati News

Gujarati News

News of Tuesday, 1st December 2020

ભાવનગરના તગડી રોડ ઉપર ટ્રક ચાલકે હડફેટે લેતા મહિલાનું મોત

(મેઘના વિપુલ હિરાણી દ્વારા) ભાવનગર, તા. ૧ : તગડી ગામે અજાણ્યા ટ્રક ચાલકે પેટ્રોલ પંપ નજીક આગળ જઇ રહેલ બાઇકને અડફેટે લેતા બાઇકની પાછળ બેઠેલા મંજુબેન પાંચાભાઇ વલાણી (ઉ.વ.પપ, રહે. અવાણીયા, ભાવનગર) નામની મહિલા રોડ ઉપર પટકાતા તેણીને ગંભીર ઇજા પહોંચતા સ્થળ પર  જ તેણીનું મોત નિપજયું હતું. આ બનાવની પોલીસે તપાસ હાથ ધરી છે.

ભાવનગરના પરિવારને તળાજા પાસે અકસ્માત

ભાવનગર શહેરના દેવુબાગ વિસ્તારમાં રહેતા અલીઅનવર ભોજાણીએ એવા મતલબની પોલીસ ફરીયાદ નોંધાવી હતી કે તેઓ તેમના પરિવાર સાથે તળાજા ખાતે લગ્ન પ્રસંગેથી પરત આવતા હતાં તે વેળાએ ગત રાત્રીના ૧૦થી ૧૧ કલાકના સુમારે વેળાવદર નજીક સામેથી આવતા ટ્રક ચાલકે પોતાનું ટ્રક પુરઝડપે અને બેફીકરાઇથી ચલાવી કારને અડફેટે લેતા, કારમાં બેસેલ ફરીયાદી તથા કુસુમ ફાતેમા, નુરજહાબેન, કોનેન ફાતેમા સહિતના ચારને નાની-મોટી ઇજા પહોંચતા તમામને સૌ પ્રથમ તળાજા અને ત્યારબાદ વધુ સારવાર માટે ભાવનગર હોસ્પિટલમાં ખસેડાયેલ. આ બનાવ અંગે તળાજા પોલીસે અકસ્માતનો ગુન્હો નોંધી વધુ તપાસ હાથ ધરી છે.

મહિલા દાઝી જતા ગંભીર

લાલ ટાંકી, પોપટનગર વિસ્તારમાં રહેતી લાભુબેન નીરૂબેન મકવાણા (ઉ.વ.પ૦) નામની મહિલા આજે વહેલી સવારે પોતાના ઘરે સખત રીતે દાઝી જતા તેણીને સારવાર માટે ભાવનગરની સર.ટી. હોસ્પિટલમાં ખસેડાયેલ છે. જયાં તેણીની સ્થિતિ ગંભીર હોવાનું જાણવા મળી રહ્યું છે. આ બનાવની ડી-ડીવી. પોલીસે તપાસ હાથ ધરી છે.

(11:43 am IST)
  • બોલીવુડ અભિનેતા અને ગુરદાસપુરના ભાજપના સાંસદ સની દેઓલનો હિમાચલ પ્રદેશના કુલ્લુ જિલ્લામાં કોરોના પોઝિટિવ રિપોર્ટ આવ્યો છે : રાજ્ય આરોગ્ય સચિવ : સની દેઓલ છેલ્લા મહિનાથી હિમાચલ પ્રદેશમાં હતો access_time 12:04 am IST

  • રાજય સરકારે પણ કોરોનાના ટેસ્ટના ભાવોમાં કર્યો ઘટાડો : હવે ખાનગી લેબમાં રૂ.૮૦૦માં RTPCR ટેસ્ટ થશે, ઘર બેઠા રૂ.૧૧૦૦માં થશે RTPCR ટેસ્ટ : અગાઉ લેબોરેટરીમાં રૂ.૧૫૦૦ અને ઘરબેઠા રૂ.૨૦૦૦માં કરવામાં આવતા હતા આ ટેસ્ટ access_time 1:28 pm IST

  • ઉર્મિલા માતોંડકરની રાજનીતિની બીજી ઇનીંગ : હવે શિવસેનામાં જોડાઇ : ઉધ્ધવની હાજરીમાં પ્રવેશ access_time 3:21 pm IST