Gujarati News

Gujarati News

News of Saturday, 1st August 2020

છેલ્લા દોઢ મહિનામાં આટકોટ ફેસીલીટી સેન્ટરમાં ૨૭૫ NRI કોરન્ટાઇન થયા

રાજકોટ,તા.૧: કોરોના સામેના મહાયુધ્ધમાં અનેક સકારી તંત્ર, સામાજિક આગેવાનો સહિત વિવિધ સમાજની સામેલગીરી છે. એવામાં જસદણ-વિછિયામાં પણ તંત્ર દ્વારા કોરોનાના સંક્રમણને અટકાવવા માટે અનેક પગલા લેવામાં આવી રહયા છે. જેમા જસદણ તાલુકાના આટકોટના કોરોના ફેસીલીટી સેન્ટરનો પણ સમાવેશ થાય છે. આ ફેસેલિટી સેન્ટરમાં ૨૭૫ એનઆરઆઇ કોરન્ટાઇન થયા હતા. જસદણના પ્રાંત અધિકારી પી.એચ. ગલચર કોરોનામાં સરકારી તંત્ર દ્વારા કરવામાં આવેલ નોંધનીય કામગીરી અંગે કહે છે કે અમારું આટકોટની ડી.બી. પટેલ કન્યા છાત્રાલયએ ખાનગી કોરોના ફેસીલીટી સેન્ટર છે. જયા વિદેશથી આવતા અમાર વિસ્તારના લોકોને સાત દિવસ ફરજિયાત કોરન્ટાઇન કરવામાં આવે છે. તેઓને સવારનો નાસ્તો, ચા, બપોર અને રાત્રીનું ભોજન આપવામાં આવે છે. આ ઉપરાંત માસ્ક, સેનીટાઇઝર સહિતની સુવિધા પણ વિનામૂલ્યે પૂરી પાડવામાં આવે છે. આ સાત દિવસ સરકારી ખર્ચે વિનામૂલ્યે વ્યકિતને કોરન્ટાઇન કરવામાં આવે છે.

આટકોટનું કોરોના ફેસીલીટી સેન્ટર ગત તા.૧૪ જૂનથી શરૂ કરાયુ હતું. વિદેશથી વતન પરત ફરતા લોકોની સંખ્યા જસદણ-વિછિયામાં વધતી જતાં આ સેન્ટર સરકારની ગાઇડલાઇન મુજબ કાર્યરત કરાયું હતું. 

આ ફેસિલીટી સેન્ટરમાં ૨૦ મેડિકલ કર્મચારીઓ સહિતનો સ્ટાફ સીફટ ડયુટી બજાવે  છે. જેમા એક ડોકટર, મામલતદાર, નર્સ સહિતના સ્ટાફનો સમાવેશ થાય છે. કોરન્ટાઇન થનારનું સ્ક્રીંનીગ, ટેસ્ટ સહિતની આરોગ્ય તપાસ કરવામાં આવે છે

(2:29 pm IST)
  • બકરી ઈદ તહેવાર : ડ્યુટી ઉપર સમયસર ન પહોંચવા બદલ દિલ્હીના 36 પોલિસકર્મી સસ્પેન્ડ : જામા મસ્જીદે સોશિઅલ ડીસ્ટન્સનું પાલન કરાવવા સાંજે 5 વાગ્યે હાજર ન થયેલા 36 પોલીસ કર્મચારીઓ બરતરફ : પોલીસ કમિશનર મહિલા વિજયંતા આર્યએ લીધેલું કડક પગલું access_time 12:37 pm IST

  • અયોધ્યામાં રામમંદિરનું નિર્માણ ' રાષ્ટ્રીય અસ્મિતાનું પ્રતીક ' : ભારત ઉપર અનેક આક્રમણો થયા : આક્રમણખોરો પોતાના ચિન્હો છોડી ગયા : આ બધા વચ્ચે અડગ આસ્થા સાથે રામમંદિરનું નિર્માણ રાષ્ટ્રીય અસ્મિતાનું પ્રતીક બની રહેશે : RSS ના સરકાર્યવાહ સુરેશ ભૈયાજી જોશી access_time 7:47 pm IST

  • ૬-૭ ઓગષ્ટથી તામિલનાડુમાં ફરી વરસાદ ખાબકશે : તામિલનાડુમાં ૬-૭ ઓગષ્ટથી ગાજવીજ સાથે ચોમાસુ વરસાદનું ફરી આગમન થશે. તેમ જાણીતા વેધર વોચર કેન્ની જણાવે છે. access_time 1:18 pm IST