Gujarati News

Gujarati News

News of Saturday, 1st August 2020

તહેવારોમાં ખોડલધામ મંદિર બંધ રહેશે

મહમારીના પગલે ૯ થી ૧૬ ઓગષ્ટ સુધી મંદિર પરિસર સંપૂર્ણપણે બંધ : કામ સિવાય ઘરની બહાર ન નીકળવા અપીલ

રાજકોટઃ સમગ્ર વિશ્વમાં કોરોના વાઇરસ ઝડપથી ફેલાઈ રહ્યો છે. સૌરાષ્ટ્ર સહિત ગુજરાતભરમાં પણ હવે કોરોના વાઇરસ ભયાનક રૂપ ધારણ કરી ચુકયો છે. હાલ શ્રાવણ માસ ચાલી રહ્યો છે અને આગામી દિવસોમાં જન્માષ્ટમી અને સ્વતંત્રતા દિવસ સહિતના તહેવારો આવી રહ્યા છે. તહેવારોના દિવસોમાં દર વર્ષે લાખોની સંખ્યામાં શ્રદ્ઘાળુઓ શ્રી ખોડલધામ મંદિરે દર્શનાર્થે ઉમટી પડતા હોય છે ત્યારે હાલની પરિસ્થિતિને ધ્યાને લઈને તહેવારના આ દિવસોમાં શ્રી ખોડલધામ ટ્રસ્ટ-કાગવડ દ્વારા મંદિરના દ્વાર ભકતો માટે બંધ રાખવાનો નિર્ણય લેવામાં આવ્યો છે.

શ્રી ખોડલધામ મંદિરે તહેવારના દિવસોમાં બહોળી સંખ્યામાં ભકતો ઉમટી પડતા હોય છે. જો કે હાલ કોરોના વાઇરસનું સંક્રમણ દિવસે દિવસે વધી રહ્યું છે ત્યારે મંદિર પરિસરમાં મોટી સંખ્યામાં ભકતો એકઠાં ન થાય તે માટે સંપૂર્ણ મંદિર પરિસર જ એક સપ્તાહ સુધી બંધ રાખવાનો નિર્ણય લેવામાં આવ્યો છે. શ્રી ખોડલધામ મંદિર પરિસર ૯ ઓગસ્ટ થી ૧૬ ઓગસ્ટ સુધી બંધ રાખવાનો ટ્રસ્ટ દ્વારા હિતકારી નિર્ણય લેવાયો છે. ત્યારબાદ સરકારની ગાઈડલાઈન મુજબ મંદિર રાબેતા મુજબ દર્શન માટે ખુલ્લુ રહેશે જેની સૌ ભકતોએ નોંધ લેવી.. લોકોને કામ વગર ઘર બહાર નહીં નીકળવા અને તહેવારોમાં વધુ સાવચેત રહેવા ખોડલધામ  દ્વારા અપીલ કરાઈ છે.(

(12:57 pm IST)
  • રાજકોટમાં આજે 131 લોકો માસ્ક વિનાનાં દંડાયા :65500નો દંડ: આજથી 500નો દંડ વસુલતુ મ્યુનિ.કોર્પોરેશન અને પોલીસ તંત્ર: સૌથી વધુ વોર્ડ નં.1માં 13 લોકો ઝડપાયા: વોર્ડ નં. 7માં બધા માસ્ક પહેરી નિકળ્યા access_time 8:15 pm IST

  • દેવભૂમિ દ્વારકામાં કોરોનાનો વધુ એક કેસ પોઝીટીવ : રબારી પાળાની ૫૫ વષી્યઁ મહિલાનો રિપોર્ટ પોઝિટિવ.:દ્ધારકામા પોઝિટિવ કેસ ની સંખ્યા ૫ થઇ access_time 7:30 pm IST

  • દ્વારકા જિલ્લામાં કોરોનાએ કહેર વર્તાવ્યો: જિલ્લામાં કુલ કેસો 73 થયા:ગુંદા ગામે 4 લોકોનો કોરોના રિપોર્ટ પોઝીટીવ : સ્નેહ રાકેશ પાડલીયા 12 વર્ષ, ચાંદ અનિલ લાલકીયા 14 વર્ષ , યુગ રેનિસ અમૃતિયા 09 વર્ષ અને રાકેશ દામજી પાડલિયા 38 વર્ષ આ ચાર લોકોના રિપોર્ટ પોઝીટીવ આવ્યા બાદ તેઓને સરકારી હોસ્પિટલ ખસેડાયા : જિલ્લામાં કુલ કેસો 73 થયા : તેન લોકોના મૃત્યુ : 33 દર્દીઓ ડિસ્ચાર્જ અને 37 દર્દીઓ એક્ટિવ કેસો access_time 10:21 pm IST