Gujarati News

Gujarati News

News of Saturday, 1st August 2020

પશુપાલન વિભાગનાં નિયામકને કોરોનાઃ કુંવરજીભાઇ સહીતનાં સેલ્ફ કોરોન્ટાઇન

ફાલ્ગુનીબેન ઠાકરનો રીપોર્ટ પોઝીટીવ આવતા ફફડાટ : ગઇકાલે પશુપાલન વિભાગના સેકશન ઓફીસર જે.એસ.ડામોરનું મોત થયું'તું

આટકોટ તા. ૧ :.. રાજયનાં પશુ-પાલન વિભાગના નિયામક ફાલ્ગુનીબેન ઠાકરને ગઇકાલે કોરોના પોઝીટીવ આવતા કેબીનેટ મંત્રી કુંવરજીભાઇ બાવળીયા સહિત ઓફીસનો સ્ટાફ સેલ્ફ કોરોન્ટાઇન થયા હોવાનું જાણવા મળ્યું છે.

આ અંગે પ્રાપ્ત વિગતો મુજબ ગાંધીનગર કૃષિ ભવનમાં આવેલ પશુ પાલન વિભાગનાં નિયામક ફાલ્ગુનીબેન ઠાકરનો રીપોર્ટ ગઇકાલે પોઝીટીવ આવતા તેમની ઓફીસના સ્ટાફને હોમ કોરોન્ટાઇન કરવામાં આવ્યા છે.

ફાલ્ગુનીબેન સાથે બે દિવસ પહેલા સરકારી કામ સબબ પશુ પાલન વિભાગના કેબીનેટ મંત્રી કુંવરજીભાઇ સહિત તેમના અંગત સ્ટાફ વચ્ચે દોઢ કલાક સુધી મીટીંગ ચાલી હોય હાલ કેબીનેટ મંત્રી કુંવરજીભાઇ બાવળીયા અને તેમનો સ્ટાફ પણ હોમ કોરોન્ટાઇન થયા છે.

ઉલ્લેખનીય છે કે ગઇકાલે જ પશુ પાલન વિભાગ પી.ર ના સેકશન ઓફીસર જે.એસ.ડામોરનું કોરોનાથી મૃત્યુ થયુ છે તેમને ચાર જ દિવસ પહેલા કોરોના પોઝીટીવ આવ્યો હતો.

ગઇકાલે તેમના મૃત્યુથી અને નિયામક ફાલ્ગુનીબેન ઠાકરને કોરોના પોઝીટીવ આવતા પશુ - પાલન વિભાગની કચેરીને બંધ કરી આ ઓફીસમાં કામ કરતા કર્મચારીઓને હોમ કોરોન્ટાઇન થવાની સુચના આપવામાં આવી છે.

(11:54 am IST)
  • દેવભૂમિ દ્વારકામાં કોરોનાનો વધુ એક કેસ પોઝીટીવ : રબારી પાળાની ૫૫ વષી્યઁ મહિલાનો રિપોર્ટ પોઝિટિવ.:દ્ધારકામા પોઝિટિવ કેસ ની સંખ્યા ૫ થઇ access_time 7:30 pm IST

  • રવિ-સોમવારે રાજ્યમાં સૌરાષ્ટ્ર અને દક્ષિણ ગુજરાતમાં ભારે વરસાદની આગાહી:આગામી 2 દિવસ પછી રાજ્યમાં વરસાદનું જોર વધશે:5 ઓગસ્ટની આસપાસ બંગાળની ખાડીમાં સિસ્ટમ સક્રિય થશે: જેનાથી 5,6,7 ઓગસ્ટે રાજ્યમાં સાર્વત્રિક ભારે વરસાદની આગાહી access_time 9:21 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST