Gujarati News

Gujarati News

News of Saturday, 1st August 2020

જસદણ - વિંછીયાના ૭ હજાર ઘરમાં હાઉસ-ટુ-હાઉસ સર્વે કરાયો

લગભગ ૫૦૦ને બ્લડ પ્રેસર, સવા ચારસોને ડાયાબીટીસ હોવાનું માલૂમ પડયું : દરરોજ ૫૦ ઘરનો સર્વે કરાય છે : પૂજા સરવૈયા : કોરોના સામેના જંગમાં આશા અને આંગણવાડી બહેનો બની કોરોના વોરિયર

રાજકોટ તા. ૧ : કોરોનાની મહામારીનો સામનો કરવા રાજય સરકારના સતત માર્ગદર્શન હેઠળ આરોગ્યકર્મીઓ દિવસ રાત કાર્યરત છે. કોરોના વાયરસનું સંક્રમણ ફેલાતું અટકે તે માટે આશા  અને આંગણવાડી વર્કર મહિલાઓ દ્વારા કોરોના વાયરસ સંદર્ભે જસદણ-વીંછીયા તાલુકામાં  હાઉસ ટુ હાઉસ સર્વેલન્સની સઘન કામગીરી હાથ ધરવામાં આવી છે.

જસદણ તાલુકા આરોગ્ય અધિકારી ડો.સી.કે.રામના જણાવ્યા અનુસાર જસદણ તાલુકાના ૯ જેટલાં પ્રાથમિક આરોગ્ય કેન્દ્ર તેમજ અર્બન હેલ્થ સેન્ટર ખાતેથી કુલ ૩ હજારથી વધુ ઘરનો સર્વે કોરોના વાયરસ અંતર્ગત કરાયો છે. જેમાં બીપીની તકલીફ હોય તેવા ૩૭૯ લોકો, ડાયાબીટીસના ૩૨૬ દર્દીઓ, ૮ અસ્થમાના દર્દીઓ અને ૮ લોકો હૃદયની તકલીફ ધરાવે છે.ઙ્ગ

વીંછીયા તાલુકાના ૬ ગામમાંથી કુલ ૩૯૫૨ જેટલાં ઘરનો સર્વે કરવામાં આવ્યો જે પૈકી ૧૦૧ લોકોમાં બી.પી. અને ૧૦૬ લોકોમાં ડાયાબીટીસના લક્ષણો જોવા મળ્યા હતાં. જસદણ તાલુકામાં ૧૭૩ અને વિછિયા તાલુકામાં૧૬૦ આશાવર્કર કામ કરી રહી છે.

 વિરનગરના પ્રાથમિક આરોગ્ય કેન્દ્રના આશા વર્કર પૂજા સરવૈયા કહે છે કે તેઓ દરરોજ ૫૦ ઘરોના સર્વે કરે છે. જેમાં કોઇને કઇ બિમારી હોય તો આરોગ્ય કેન્દ્રમાં દવા લેવા મોકલવામાં આવે છે. અમારી સૌ આશા વર્કર બહેનો દ્વારા દરેક ઘરોમાં સમજાવવામાં આવે છે કે તેઓ સ્વચ્છતા જાળવે, વારં વાર હાથ ધોવે, કામ વિના બહાર ન જાય, ગરમ પાણી પીવે. અમારા આરોગ્ય કેન્દ્ર દ્વારા અમને અપાયેલ ઉકાળા, આયુર્વેદિક અને હોમિયોપેથી દવાઓ નિયમિત રીતે આપવામાં આવે તથા બાળકો અને વૃધ્ધોનું ધ્યાન રાખવામાં આવે.

(11:13 am IST)
  • રાજ્યના શિક્ષણમંત્રી ભૂપેન્દ્રસિંહ ચુડાસમા ભગવાન દ્ધારકાધિશના દશઁન કરી શિશ જુકાવી અને કોરોના માથી વિશ્ર્વ મુક્ત થાય તે માટે પ્રાથના કરી access_time 10:44 pm IST

  • બિહારમાં પોલીસ ઉપર પથ્થરમારો : લોકડાઉન હોવા છતાં બકરી ઈદ નિમિત્તે ભાગલપુરમાં આવેલી મસ્જીદે નમાઝ પઢવા સમૂહ ભેગો થયો : ભેગા થયેલા લોકોને પાછા કાઢવાની કોશિષ કરતા પથ્થરમારો કરાયો access_time 12:54 pm IST

  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST