Gujarati News

Gujarati News

News of Friday, 1st June 2018

મોરબીમાં હનીટ્રેપ ગોઠવી તોડ કરનારા પોલીસ કર્મચારી સહિત બે જેલહવાલે

મોરબી, તા.૧: મોરબીમાં હનીટ્રેપ મારફત યુવાન પાસેથી રૂપિયા ખંખેરનાર ગેંગના પોલીસકર્મી સહીત બે આરોપીઓને રિમાન્ડ પૂર્ણ થતા બંને આરોપીઓને જેલહવાલે કરાયા છે.

મોરબીના રહેવાસી સતિષ શિવલાલ જીવાણી નામના યુવાનને આરોપી મનોજ બોરીચાએ સ્નેહા નામની છોકરીને ફરિયાદીનો મોબાઈલ નંબર આપ્યો હતો અને યુવતીએ વાતચીત કરીને તેને મુલાકાત કરવાનું કહીને ગત તા. ૨૫ ના રોજ ખાખરાવાળી મેલડી મંદિર જવાના રસ્તે બોલાવ્યો હતો ત્યારે આરોપી કિશોર હુંબલ પોલીસવાળો અને એક અજાણ્યો ઈસમ એ બંને સ્વીફ્ટ કારમાં આવીને તેને ઢીકા પાટૂ માર મારી અપહરણ કરી ગાડીમાં લઇ જઇને આરોપી કિશોર હુંબલ તેને પોલીસ કેસ કરવાની ધમકી આપી રોકડ ૮૦,૦૦૦ રૂપિયા પડાવી ગયાની ફરિયાદ નોંધાવી હતી જે ફરિયાદ બાદ તાલુકા પોલીસની ટીમ હરકતમાં આવી હતી અને આરોપી પોલીસકર્મી કિશોર હુંબલ અને મનોજ બોરીચાને ઝડપી લઈને બે દિવસના રિમાન્ડ મંજુર કરવામાં આવ્યા હતા જે રિમાન્ડ પૂર્ણ થતા બંને આરોપીને જેલહવાલે કરાયા છે.

(1:48 pm IST)
  • અમેરિકાની ચેતવણી છતાં રશિયા પાસેથી હથિયારો ખરીદશે ભારત ;રક્ષા મંત્રલાય રશિયા પાસેથી 40,000 કરોડમાં મિસાઈલ ડિફેન્સ સિસ્ટમ એસ-400ની પાંચ યુનિટ ખરીદવાનો પ્રસ્તાવ સુરક્ષા મામલાની કેબિનેટ કમિટી સમક્ષ મુકશે access_time 1:18 am IST

  • સુરત બિટકોઈન કૌભાંડ મામલો : જીજ્ઞેશ મોરડિયા, ઉમેશ ગોસ્વામી, મનોજ ક્યાડાને કોર્ટમાં રજૂ કરાયા : ત્રણેય આરોપીઓની ગઈકાલે થઇ હતી ધરપકડ : 155 કરોડના બિટકોઈન લૂંટમાં હતાં સામેલ : શૈલેષ ભટ્ટના કહેવાથી થઇ હતી અપહરણ-લૂંટ : જીજ્ઞેશ પાસેથી 25 કરોડના બિટકોઇન-9 કિલો સોનુ જપ્ત access_time 2:55 pm IST

  • ભાજપના સાંસદ લીલાધર વાઘેલા ગૂમ : પાટણમાં પોસ્‍ટર લાગ્‍યા : સાંસદ ગૂમ થયાના પોસ્‍ટર થયા વાયરલ : ‘૨૦૧૪ બાદ દેખાયા જ નથી સાંસદ' તેવું લખાણ access_time 4:16 pm IST