Gujarati News

Gujarati News

News of Friday, 1st June 2018

સુજલામ સુફલામ થકી હવે જામનગરનાં ઠેબા ગામના તળાવમાં હવે ૧.પ મીલીયન ઘનફુટ પાણીનો સંગ્રહ કરાશે

જામનગરઃ જોડીયા તાલુકાના લીંબુડા ગામના ખેડુત પ્રવિણભાઇ મારવાડીયા કહે છે કે, રાજય સરકારનું સુજલામ સુફલામ જળસંચય અભિયાન અમારા ગામમાં જન અભિયાન બની ગયુ છે. છેલ્લા એક મહિના દરમ્યાન અમારા ગામમાં ખેડુતો દ્વારા ૧૪૦૦ ટ્રેકટર માટી તળાવમાંથી કાઢી પોતાના ખેતરમાં નાખવામાં આવી છે. આ કાંપથી આવનાર દિવસોમાં અમને ફળદ્રુપ પાક મળશે. અમારા ગામના ખેડુતોએ તળાવની ફરતે ગાંડાબાવળ પણ દૂર કર્યા હતા તેમજ તળાવની ફરતે પાળા પણ ખેડુતો દ્વારા બનાવવામાં આવ્યા છે. જેથી ટ્રેકટરો સારી રીતે ચાલી શકે. અમારા ગામના ખેડુતો દ્વારા પચીસ હજાર રૂપિયા લોકફાળો ભેગો કરીને જળ અભિયાનમાં અપાયો છે. જેથી જળસિંચઇમાં ફાયદો થશે અને પાણીનો સંગ્રહ તળાવમાં વધશે.

રાજયના જળાશયોની પાણી સંગ્રહશકિત વધારવા રાજય સરકાર દ્વારા જન જનને જોડી આરંભવામાં આવેલુ સુજલામ સુફલામ જળ અભિયાન હવે પરિણામલક્ષી તબક્કામાં છે.

જામનગર જિલ્લાના ઠેબા ગામના ૨ જેસીબી, ૧ હિટાચી, ૩૨ ટ્રેકટર દ્વારા રૂ.૧૦.૬૩ લાખના ખર્ચે માટી કાપ કાંઢવાની કામગીરી લોકભાગીદારીથી શ્રી સ્વામી વિવેકાનંદ ટ્રસ્ટ દ્વારા કરવામાં આવી છે. આ કામગીરીમાં ગામના ખેડુતોએ પણ ઉત્સાહભેર જોડાઇને સરકારનું જળ અભિયાન સફળ બનાવ્યુ છે.

ઠેબા ગામના તળાવનું રિનોવેશન અને ડિસીલ્ટીંગ વર્ક થવાથી હવે અંદાજીત ૧.૫૦ મીલીયન દ્યનફૂટ પાણીના જથ્થાનો વધુ સંગ્રહ થશે.

સંકલનઃ પારૂલ આડેસરા - ગજેન્દ્રસિંહ જાડેજા

માહિતીબ્યુરો, જામનગર

(12:06 pm IST)
  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST

  • ખેડા:યાત્રાધામ વડતાલના ગોમતી તળાવમાં 25 વષર્ય યુવક ડુબ્યો : સુરતનો રહેવાસી યુવક પરીવાર સાથે વડતાલ દશર્ન કરવા આવ્યો હતો : ચકલાસી પોલીસને જાણ કરાતા ફાઈયર બ્રિગેડ અને પોલીસનો કાફલો ઘટના સ્થળે : ફાયર બ્રિગેડ ઘ્વારા ડૂબેલ યુવકની શોધખોળ ચાલુ access_time 8:34 pm IST

  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST