Gujarati News

Gujarati News

News of Friday, 1st June 2018

મીઠા ઉત્પાદન મત્સ્યોદ્યોગની ગેરકાયદે કાર્યવાહી કરનાર સામે પગલા લેવાયા

અમરેલી જિલ્લામાં સરકારી જમીન પર

અમરેલી તા. ૧ : અમરેલી જિલ્લાના રાજુલા અને જાફરાબાદ તાલુકાના દરિયાકાંઠાના વિસ્તારના ગામમાં સરકારી જમીન પર મીઠા ઉત્પાદન તથા મત્સ્યોદ્યોગ (ઝીંગા ફાર્મ)ની અનઅધિકૃત્ત્। રીતે કાર્યવાહી થઇ રહેલ હોવાની રજૂઆત થયેલ છે. તેમજ સ્થાનિક ગ્રામજનો તરફથી આંદોલન પણ કરવામાં આવેલ. મળેલી રજૂઆત સંબંધે પ્રાંત અધિકારીશ્રી રાજુલા, મદદનીશ મત્સ્યોદ્યોગ કમિશ્નરશ્રી જાફરાબાદ, ડી.આઇ.એલ.આર. અમરેલી તથા જિલ્લા ઉદ્યોગ કેન્દ્ર અમરેલી પાસેથી અહેવાલ મેળવી નિયમોનુસારની કાર્યવાહી હાથ ધરવામાં આવી છે. જે મુજબ મીઠા ઉત્પાદન માટે ફાળવેલ જમીનમાં કુલ ૨૮ ઇસમો સામે શરતભંગના પગલા લેવા નોટીસ ઇશ્યુ કરી, કાર્યવાહી હાથ ધરવામાં આવેલ છે.

કુલ ૮ કેસોમાં દબાણ કેસ દાખલ કરવામાં આવેલ છે. ગુજરાત હેવી કેમિકલ્સ લી. જી.એચ.સી.એલ.ને મજાદર તથા કથીવદર ગામે ફાળવેલ જમીન સંબંધે શરતભંગની કાર્યવાહી હાથ ધરવામાં આવેલ છે. આમ, કુલ ૩૬ કેસોમાં નિયમોનુસાર શરતભંગ તથા દબાણની કાર્યવાહી હાથ ધરવામાં આવેલ છે, તેમ કલેકટરશ્રી- અમરેલીની યાદીમાં જણાવવામાં આવ્યું છે.

(10:48 am IST)
  • જમ્મુ-કાશ્મીરમાં ફિદાયીન હુમલાની આશંકા :હાઇએલર્ટ જાહેર :ગુપ્તચરની સૂચનામાં આત્મઘાતી હુમલાની ભીતિ બાદ સુરક્ષા એજન્સીઓ એલર્ટ:આતંકીઓ કાશ્મીરમાં ઘૂસવાની ફિરાકમાં :શ્રીનગર અને જમ્મુમાં નાકાબંધી વાહનોની તપાસ અને હોટલ ધર્મશાળામાં ચેકીંગ શરુ :શહેરમાં પ્રવેશતા તમામ રસ્તાઓમાં સતકર્તા વધારાઈ ;સંવેદનશીલ વિસ્તારોમાં ચુસ્ત બંદોબસ્ત ગોઠવાયો access_time 1:06 am IST

  • આંધ્રપ્રદેશ સરકાર 35 વર્ષ સુધીના ગ્રેજ્યુએટ બેરોજગારોને આપશે દરમહિને 1000નું ભથ્થું :રાજ્યના માહિતી મંત્રીએ કહ્યું કે યોજનાનો અંદાજે 10 લાખ બેરોજગારોને લાભ મળશે :આ યોજના માટે રાજ્ય સરકારે 1200 કરોડની ફાળવણી કરીછે access_time 1:10 am IST

  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST